30 jyl ishinde alǵash ret Birikken Koroldik aýmaǵynan meteorit tabyldy, dep habarlaidy Euronews agenttigi.
Bul aspan denesi 28 aqpanda aǵylshyn aspanyn jaryqtandyrdy, bul ǵalymdarǵa onyń qulaý aimaǵyn dál esepteýge jáne jergilikti turǵyndardy ony izdeýge shaqyrýǵa múmkindik berdi.
Glostershir grafyndaǵy Ýinchkomb qalashyǵynyń turǵyny ǵaiyptan paida bolǵan aspan denesin óz úiiniń tabaldyryǵynan tapty.
«Bul kómirtekti hondrit dep atalady. Bul bizdiń kún júiemizdiń paida bolýyna qatysqanyn bildiredi. Osy tasqa 4 milliard 600 million jyl bolǵan. Ol kún júiesi endi qalyptasyp jatqan kezde bolǵan zattardan turady. Olardan asteroidtar, kometalar, planetalar, sonyń ishinde Jer paida boldy», – dep túsindiredi Londondaǵy Tabiǵat tarihy murajaiynyń ǵylymi qyzmetkeri Eshli King.
Ýinchkomb meteoritiniń taǵy bir bóligi qalaǵa irgeles Lahlan Bond fermasynyń órisinen tabyldy:
«Eger ol bizge ótkendi jaryqqa shyǵarýǵa azdap kómektesetin bolsa, onda onyń bizdiń jerimizden tabylǵanyn aitý óte tamasha».
Meteorit qulaǵanǵa deiin birneshe bólikke bólingen bolýy múmkin, sondyqtan ǵalymdar okrýg turǵyndaryn ony izdeýdi jalǵastyrýǵa shaqyrady.
