30 جىل ٸشٸندە العاش رەت بٸرٸككەن كورولدٸك اۋماعىنان مەتەوريت تابىلدى, دەپ حابارلايدى ەuronews اگەنتتٸگٸ.
بۇل اسپان دەنەسٸ 28 اقپاندا اعىلشىن اسپانىن جارىقتاندىردى, بۇل عالىمدارعا ونىڭ قۇلاۋ ايماعىن دەل ەسەپتەۋگە جەنە جەرگٸلٸكتٸ تۇرعىنداردى ونى ٸزدەۋگە شاقىرۋعا مٷمكٸندٸك بەردٸ.
گلوستەرشير گرافىنداعى ۋينچكومب قالاشىعىنىڭ تۇرعىنى عايىپتان پايدا بولعان اسپان دەنەسٸن ٶز ٷيٸنٸڭ تابالدىرىعىنان تاپتى.
«بۇل كٶمٸرتەكتٸ حوندريت دەپ اتالادى. بۇل بٸزدٸڭ كٷن جٷيەمٸزدٸڭ پايدا بولۋىنا قاتىسقانىن بٸلدٸرەدٸ. وسى تاسقا 4 ميلليارد 600 ميلليون جىل بولعان. ول كٷن جٷيەسٸ ەندٸ قالىپتاسىپ جاتقان كەزدە بولعان زاتتاردان تۇرادى. ولاردان استەرويدتار, كومەتالار, پلانەتالار, سونىڭ ٸشٸندە جەر پايدا بولدى», – دەپ تٷسٸندٸرەدٸ لوندونداعى تابيعات تاريحى مۇراجايىنىڭ عىلىمي قىزمەتكەرٸ ەشلي كينگ.
ۋينچكومب مەتەوريتٸنٸڭ تاعى بٸر بٶلٸگٸ قالاعا ٸرگەلەس لاحلان بوند فەرماسىنىڭ ٶرٸسٸنەن تابىلدى:
«ەگەر ول بٸزگە ٶتكەندٸ جارىققا شىعارۋعا ازداپ كٶمەكتەسەتٸن بولسا, وندا ونىڭ بٸزدٸڭ جەرٸمٸزدەن تابىلعانىن ايتۋ ٶتە تاماشا».
مەتەوريت قۇلاعانعا دەيٸن بٸرنەشە بٶلٸككە بٶلٸنگەن بولۋى مٷمكٸن, سوندىقتان عالىمدار وكرۋگ تۇرعىندارىن ونى ٸزدەۋدٸ جالعاستىرۋعا شاقىرادى.
