Foto: Aqorda
Astanadaǵy «Qazaq eli» alańynda Uly Jeńistiń 80 jyldyǵyna arnalǵan Áskeri parad bastaldy, dep habarlaidy Ult.kz.
Saltanatty is-sharaǵa elimizge memlekettik saparmen kelgen Vetnam Kommýnistik partiiasy Ortalyq komitetiniń Bas hatshysy To Lam qatysady.
Áskeri sherý elordada jáne barlyq oblys ortalyǵynda LED-ekrandar men respýblikalyq telearnalardan, sondai-aq Facebook, YouTube, Telegram áleýmettik jelilerindegi Aqordanyń resmi paraqshalarynan tikelei efirde kórsetilip jatyr.
Áskeri paradty Qazaqstan Respýblikasy Qarýly Kúshteri Qurlyq áskerleriniń Bas qolbasshysy general-maior Mereke Kóshekbaev basqarady.
Foto: Aqorda
Qazaqstan Respýblikasy Memlekettik kúzet qyzmetiniń tý ustaýshylar toby Memlekettik týdy jáne Jeńis týyn alańǵa alyp keldi.
Jeńistiń Qyzyl týy – osydan 80 jyl buryn áigili otandasymyz Raqymjan Qoshqarbaev pen onyń maidandasy Grigorii Býlatov Reihstagqa tikken týdyń kóshirmesi.
Surapyl soǵys jyldary qazaqstandyq sarbazdar maidannyń aldyńǵy shebinde, eń qanquily shaiqastarda erliktiń eren úlgisin kórsetti.
1945 jyly 30 sáýirde qazaq batyry Raqymjan Qoshqarbaev Berlindegi Reihstagqa jeńis týyn tikti. Osynaý dańqty erligi úshin Qoshqarbaev sol kezde «Jaýyngerlik Qyzyl Tý» ordenimen marapattaldy. Al 1999 jyly 7 mamyrda Raqymjan Qoshqarbaevqa «Halyq qaharmany» ataǵy berildi.
