Depýtat Qazybek Isa jiynda birde bir ret qazaqsha sóilemegen vitse-ministrge eskertý jasady (video) Depýtat Qazybek Isa jiynda birde bir ret qazaqsha sóilemegen vitse-ministrge eskertý jasady (video) Almatyda qaldyqtardy kádege jaratý zaýytynyń qurylysy bastalady Almatyda qaldyqtardy kádege jaratý zaýytynyń qurylysy bastalady
Ádebiet

Uly mártebeli kitap

Ult portaly
Uly mártebeli kitap

Qadirmendi qaýym! Bala-kezimizde aýyl aqsaqaldary, asyl ájelerimiz: «El aman, jurt tynysh bolsyn!» – dep sát saiyn Alladan tilek tilep otyratyn.  Sol bataly sózdiń maǵynasyn búgingidei qiyn kúnderde tereń túsinedi ekensiń. Búkil álemdi dúrliktirgen indet bizdiń elimizdiń de shalǵaiyn shaldy. Budan da qiyn-qystaý kúnderdi bastan ótkergen qazaq halqy bul qiyndyqty da jeńeri daýsyz!

Kúni keshe Qazaqstan Jazýshylar  Odaǵynyń basqarma tóraǵasy, Memlekettik syilyqtyń laýreaty, aqyn Ulyqbek Esdáýletten kitap oqý estafetasyn alǵan Qazaqstan Respýblikasynyń Prezidenti Qasym-Jomart Kemeluly Toqaev ár adam óz ýaqytyn tiimdi paidalanyp, búkil Qazaq elin kitap oqýǵa úndedi. Shyn máninde «Kitap – jan azyǵy», «Artyq bilim kitapta» ekendigin bilip ósken árbir azamat úshin bul – taptyrmaityn múmkindik. Men «Bol úide, kitappen birge» ilipáketin (chellendjin) M.O.Áýezov atyndaǵy Ádebiet jáne óner institýtynyń direktory, filologiia ǵylymdarynyń doktory, professor Kenjehan Islámjanuly Matyjanovtan qabyl alyp otyrmyn. Almatyda jariialanǵan karantin kúnderinde jeke kitaphanamdaǵy biraz kitaptardy qaiyra oqý múmkindigi týdy. Olar: «Qozy Kórpesh-Baian sulý» jyrynyń Peterbýrgte, Qazanda, Orynborda shyqqan ár alýan nusqalary, 
Babyr Zahir ad-din Muhammedtiń «Babyrnamasy», Qoja Ahmet Iasaýidiń «Hikmetteri» (E.Dúisenbaev aýdarmasy), Júsipbek Aimaýytovtyń shyǵarmalary, Qasym Amanjolovtyń óleńderi men poemalary, Isa Baizaqovtyń «Quralai sulý» kitaby, Shákir Ábenovtiń «Qozy Kórpesh-Baian Sulý» poemasy, Onore Balzaktyń «Gorio atai» (Ábdirashit Ahmetov aýdarmasy), Ivan Býninniń áńgimeleri, Aleksandr Bloktyń óleńderi men poemalary, Aqseleý Seidimbektiń «Qazaqtyń kúi óneri» monografiiasy, Saparǵali Lámbekovtiń «Táttimbet» hikaiaty, Ulyqbek Esdáýlettiń «Biz de ǵashyq bolǵanbyz» mahabbat jyrlary, Ǵabiden Qulahmettiń «Kózimniń qarasy» óleń kitaby. Sonymen birge «Ulttyq aýdarma biýrosy» qoǵamdyq qory qazaq tiline aýdaryp daiyndaǵan Iýval 
Noah Hararidiń «Adamzattyń qysqasha tarihy» jáne Stiven R.Kovidiń «Jasampaz jandardyń 7 daǵdysy» kitaptaryn oqyp shyǵýǵa múmkindik týdy. Jan -dúniem baiyp, erekshe lázzatty bastan keshtim. Bul úide bolý merzimi –kitap oqyrmandaryn qaitarý múmkindigi. Bul adamgershilik pen izgilikke kópir bolatyn ádebietimizdiń de óz oqyrmandaryn taýyp, qaita bir serpilis týǵyzatyn jańa dáýiriniń basy dep bilemin. «Bol úide, kitappen  birge» ilipáketiniń estafetasyn týǵan óńirim Abyralydaǵy Saparǵali Begalin atyndaǵy Qainar orta mektebi men ózim bitirgen Shyǵys Qazaqstan oblysy Abai aýdanyndaǵy Arqat orta mektebiniń oqýshylary men muǵalimderine, ál- Farabi atyndaǵy Qazaq Ulttyq ýniversiteti jýrnalistika fakýltetiniń oqytýshylary men stýdentterine, sondai-aq «Almaty aqshamy» gazetiniń Bas redaktory, Qazaqstan Jazýshylar Odaǵy Derekti proza Keńesiniń tóraǵasy, jýrnalist, jazýshy Qali Qoshqaruly Sársenbaiǵa, Memlekettik syilyqtyń laýreaty, aqyn Tynyshtyqbek Ábdikákimulyna, Halyqaralyq «Alash» ádebi syilyǵynyń laýreaty Baibota Serikbaiuly Qoshym-Noǵaiǵa joldaimyn!

Qazaqtyń eńsesin zoraityp, bilimin molaityp, jan-dúniesin tazartatyn Uly mártebeli Kitap ekendigin eske salǵan Alla taǵalaǵa myń da bir taǵzym! Elimiz aman, jurtymyz tynysh bolsyn! Barsha qalamgerler men qalyń oqyrmandy biylǵy Abai jylynda kitap oqýǵa shaqyramyn!

Baýyrjan JAQYP, aqyn
Halyqaralyq «Alash» ádebi syilyǵynyń laýreaty.

"Qazaq ádebieti" gazeti

Oqi otyryńyz