«Uly dala – kóshpendiler álemi» Halyqaralyq etnofestivali ótedi

2-3 qyrkúiekte Almaty qalasyndaǵy «Boraldai» saq qorǵandarynda «Uly dala – kóshpendiler álemi» Halyqaralyq etnofestivali ótedi. Qala kúnine orailastyrylǵan festival «Almaty – Shanhai yntymaqtastyq uiymynyń mádeni jáne týristik astanasy» jobasy aiasynda uiymdastyrylǵan.Sharanyń basty maqsaty - kóshpendilermádenietin, ejelgi tarihy men salt-dástúrin kórsetý. Festivalda kóshpendilerdiń jaýyngerlik oiyndary, saiatshylyǵy, at baptaýy, taǵamdary, qolóneri t.b kóptegen turmys-tirshiligi kórsetiledi. Sharaǵa jinalǵan halyq túrli saiystardy tamashalap, qyzyqty sheberlik sabaqtarǵa qatysyp, kóshpendilerdiń ótken dáýirine saiahat jasaidy.

Festivalde Ázerbaijan, Túrkiia, Majarstan (Vengriia), Malaiziia, Bashqurtstan, Daǵystan, Chývashiia, Altai, Býriatiia, Ózbekstan jáne Qyrǵyzstan syndy 10 nan astam memleketten jinalǵan eń myqty etnomýzykanttar men sportshylar óner kórsetedi.

«Uly dala – kóshpendiler álemi» Halyqaralyq festivalinde:

50-ge jýyq kiiz úiler tigilip, altybaqandar quryldy;

Etno aýyl: túie baý, bie baý, tas diirmen tartý, keli túiý;

At oiyndary aimaǵy: kókpar, qyz qýý, aýdaryspaq, teńge ilý, jamby atý, asaýǵa quryq salý, asaýdy úiretip miný óneri;

Sadaqshylar men naizashylar aimaǵynda: sadaqshylar saiysy, naiza shanshý, sadaq atýdy úirený;

Sheberler aimaǵynda: Jún sabaý, urshyq iirý, kiiz, tekemet basý, alasha, kilem, shi, keste toqý, zergerlik t.b. buiymdar jasaý jáne sheberlik sabaqtary;

Ustalar aimaǵynda: Er-turman, qysh-qumyra jasaý, aǵash, temir, súiek, kórik basý jáne ustalardyń sheberlik sabaqtary;

Jastar aimaǵynda: Altybaqan, qyz ben jigit aitysy, qolkúres, arqan tartys, ulttyq oiyndar, atqa minip serýendeý;

Balalar aimaǵynda: Balalar kiiz úileri, logikany damytatyn oiyn alańqaiy, ulttyq oiyndar, qýyrshaq teatry, qolóner, sýret salý;

Qusbegiler men saiatshylar aimaǵynda: Murajai jumys jasaidy, búrkit, itelgi, qarshyǵa ushyrý, qumai-tazyny ańǵa salý;

Kóshpendilerdiń taǵamdary aimaǵy: Jerge kómilip pisken qoi, qus etteri, shoqqa pisken taba nan, balqýyrdaq, ásip, búrmeqaryn, úlpershek, balqaimaq, baýyrsaq, qurt, irimshik, qymyz, shubat túrleri;

Sahna jáne shoý-kórinister aimaǵy:

a) Saiatshylardyń shoý baǵdarlamalary;

á) Ártúrli memleketterdiń jaýyngerlik oiyndar kórsetilimi;

b) Sheteldik jáne Qazaqtandyq etnotoptar kontserti (Ulytaý, HasSaq)