Jaqynda jas aqyn-jazýshylar arasynda «Uly dala» respýblikalyq shyǵarmashylyq baiqaýy jariialanǵan bolatyn. Baiqaýdyń tolyq erejesin kópshilik nazaryna usynamyz.
«Uly dala» respýblikalyq shyǵarmashylyq konkýrsy týraly
EREJE
1. Jalpy erejeler
1. «Nur Otan» partiiasy «Uly dala» respýblikalyq shyǵarmashylyq konkýrsyn (budan ári – konkýrs) 2018 jylǵy 9 qazandaǵy «Nur Otan» partiiasy men Qazaqstan Jazýshylar odaǵy arasyndaǵy ózara yntymaqtastyq týraly memorandýmdy iske asyrý sheńberinde ótkizedi.
2. Osy Ereje konkýrsty ótkizý maqsaty men mindetterin jáne tártibin aiqyndaidy.
3. Konkýrstyń maqsaty – qazaqstandyq qoǵamdy rýhani jańǵyrtýdyń ideialary men qundylyǵyn kórsetetin qazirgi zamanǵy Qazaqstandyq avtorlardyń shyǵarmalaryn damytý, qoldaý jáne nasihattaý.
4. Konkýrstyń mindetteri:
óz shyǵarmalarynda qazaqstandyq qoǵamdy rýhani jańǵyrtý men damytý úderisterin beineleitin, sondai-aq qazaqstandyqtardyń zamanaýi dúnietanymyn qalyptastyrýǵa yqpal etetin talantty jas qazaqstandyq jazýshylardy, aqyndardy, dramatýrgterdi, stsenaristerdi, pýblitsisterdi anyqtaý jáne olarǵa qoldaý kórsetý;
Memleket basshysynyń «Bolashaqqa baǵdar: rýhani jańǵyrý» baǵdarlamalyq maqalasynda baiandalǵan ideialar men qundylyqtardy dáripteý;
Memleket basshysynyń «Uly dalanyń jeti qyry» maqalasynda kórsetilgen ideialar men qundylyqtardy dáripteý;
Qazirgi básekege qabiletti qazaqstandyqtyń obrazyn nasihattaý.
5. Konkýrstyń uiymdastyrýshysy – «Nur Otan» partiiasy (budan ári - uiymdastyrýshy), birlesip uiymdastyrýshy – Qazaqstan Jazýshylar odaǵy.
6. Respýblikalyq «Uly dala» konkýrsyn ótkizýdi úilestirý isi konkýrstyń ótkizilýin uiymdastyrý komitetine (odan ári – uiymdastyrý komiteti) júkteledi. Uiymdastyrý komitetiniń quramy partiia tóraǵasy birinshi orynbasarynyń buiryǵymen bekitiledi.
7. Konkýrsqa kelip túsken jumystardy qaraý jáne odan ári jeńimpazdardy anyqtaý «Uly dala» respýblikalyq shyǵarmashylyq konkýrsyn ótkizý jónindegi konkýrs komissiiasyna (budan ári – konkýrs komissiiasy) júkteledi.
8. Osy ereje konkýrsqa qatysýǵa úmitker barlyq múddeli tulǵalarǵa tanysý úshin buqaralyq aqparat quraldarynda, partiianyń resmi saitynda jáne áleýmettik jelilerdegi partiianyń resmi akkaýnttarynda jariialaý arqyly usynylady.
2. Konkýrsty ótkizý tártibi
9. Konkýrs bes nominatsiia boiynsha ótkiziledi:
«Proza» nominatsiiasy
Birinshi oryn (1 júlde) – 1 500 000 teńge;
Ekinshi oryn (1 júlde) – 750 000 teńge;
Úshinshi oryn (1 júlde) – 500 000 teńge;
«Poeziia» nominatsiiasy
Birinshi oryn (1 júlde) – 1 500 000 teńge;
Ekinshi oryn (1 júlde) – 750 000 teńge;
Úshinshi oryn (1 júlde) – 500 000 teńge;
«Dramatýrgiia, kórkem film men teleserial stsenarii» nominatsiiasy
Birinshi oryn (1 júlde) – 1 500 000 teńge;
Ekinshi oryn (1 júlde) – 750 000 teńge;
Úshinshi oryn (1 júlde) – 500 000 teńge;
«Pýblitsistika» nominatsiiasy
Birinshi oryn (1 júlde) – 1 500 000 teńge;
Ekinshi oryn (1 júlde) – 750 000 teńge;
Úshinshi oryn (1 júlde) – 500 000 teńge;
«Balalarǵa arnalǵan shyǵarma» nominatsiiasy
Birinshi oryn (1 júlde) – 1 500 000 teńge;
Ekinshi oryn (1 júlde) – 750 000 teńge;
Úshinshi oryn (1 júlde) – 500 000 teńge.
10. Konkýrstyń bastalýy týraly habarlandyrý partiianyń resmi saitynda jáne buqaralyq aqparat quraldarynda jariialanady.
11. Konkýrsqa qatysatyn jumystar 2018 jylǵy 28 qarasha men 2019 jylǵy 15 qańtar aralyǵynda qabyldanady.
12. Konkýrsqa kelip túsken jumystardy tehnikalyq irikteýdi (konkýrs sharttaryna sáikestigin tekserýdi eskere otyryp) jáne konkýrs komissiiasynyń otyrysyna materialdardy daiyndaýdy uiymdastyrý komiteti 2019 jylǵy 16-18 qańtar aralyǵynda ótkizedi.
13. Konkýrsqa kelip túsken jumystardy konkýrs komissiiasy 2019 jylǵy 18-25 qańtar aralyǵynda qaraidy. Óz jumysynyń qorytyndysy boiynsha konkýrstyq komissiia birlesken sheshim arqyly konkýrs jeńimpazdaryn anyqtaidy.
3. Konkýrstyq jumystardy usyný tártibi
14. Konkýrsqa 18-den 40 jasqa deiingi avtor/avtorlar qatysýǵa quqyly.
15. Bir avtor/avtorlar toby tek bir nominatsiiaǵa qatysa alady.
16. Konkýrsqa qatysý úshin jiberiletin jumystar qazaq jáne orys tilderinde jazylýy múmkin.
17. Usynylatyn konkýrstyq jumystardyń taqyryby shektelmeidi.
18. Konkýrs aiasynda avtorlardyń 2018 jylǵa deiin jariialanǵan shyǵarmalary qarastyrylmaidy.
19. Ár nominatsiia boiynsha óleńder tsiklin qabyldaýǵa múmkindik beretin «Poeziia» nominatsiiasyn qospaǵanda bir shyǵarma qabyldanady.
20. Konkýrsqa ádepsiz sózderdi qamtityn, sondai-aq úshinshi tulǵalardyń etikalyq normalary men avtorlyq quqyqtaryn buzatyn týyndylar jiberilmeidi.
21. Avtor/avtorlar konkýrsqa qatysý úshin jumysty jibere otyryp:
osy jumysqa avtorlyq quqyqtyń bolýyna kepildik beredi;
uiymdastyrýshynyń týyndylardy (tolyq jáne/nemese ishinara) buqaralyq aqparat quraldarynda, jinaqtarda, internet-resýrstarda jariialaýyna ruqsat beredi;
uiymdastyrýshyǵa nemese birlesip uiymdastyrýshyǵa qoiylatyn qarjylyq talaptardy qoiýdan bas tartady.
22. Konkýrsqa qabyldanǵan jumystar retsenziialanbaidy jáne qaitarylmaidy.
23. Konkýrsqa qatysý úshin «Proza» nominatsiiasynda 10 paraqtan kem emes, «Poeziia» nominatsiiasyndaǵy mátin kólemi 5 paraqtan kem emes, «Dramatýrgiia, kórkem film men teleserial stsenarii» nominatsiiasynda 10 paraqtan kem emes, «Pýblitsistikada» shektelmegen, «Balalarǵa arnalǵan shyǵarma» nominatsiiasynda 5 paraqtan kem emes jumystar jiberiledi.
24. Konkýrstyq jumystar A-4 formatynda, Times New Roman qarpimen, 14 mólsherde, 1,0 aralyqta terilýi kerek.
25. Konkýrsqa jiberiletin materialdar paketinde:
1) Konkýrstyq jumysy bar konvert (baǵalaýdyń obektivtiligin saqtaý maqsatynda jáne tikelei jumysqa jeke málimetteri kórsetilmei búrkenshik atpen qol qoiylady).
2) Konkýrsqa qatysýǵa úmitker týraly qysqasha aqparaty bar jeke konvert (T.A.Á., turatyn meken - jaiy, telefon nómiri, elektrondyq pochta meken - jaiy, fotosýret, úmitkerdiń shyǵarmashylyǵy týraly qysqasha aqparat).
26. Konkýrstyq materialdar basyp shyǵarylǵan túrde, sondai-aq USB-flesh-jinaqtaýyshta myna meken-jai boiynsha: Astana qalasy, Qonaev kóshesi, 12/1, «Nur Otan» partiiasynyń Ortalyq apparaty, «Uly dala» konkýrstyq materialdary degen belgimen jáne konverttiń titýldyq paraǵyndaǵy nominatsiianyń ataýy jazylyp jiberiledi.
27. Uiymdastyrý komiteti konkýrstyq komissiianyń qaraýyna búrkenshik atpen qol qoiylǵan konkýrstyq jumystardy (avtor týraly málimetterdi kórsetpesten) usynady.
28. Konkýrstyq komissiia osy Erejeniń 25-tarmaǵynyń 1) tarmaqshasynda kórsetilgen konkýrsqa kelip túsken konvertterdi ótinimderdi qabyldaý aiaqtalǵan kúnnen bastap úsh jumys kúni ishinde ashady.
29. Osy Erejeniń 25-tarmaǵynyń 2) tarmaqshasynda kórsetilgen derbes derekteri bar konvertterdi konkýrstyq komissiia konkýrs jeńimpazdaryn anyqtaǵannan keiin úsh jumys kúni ishinde ashady.
4. Jeńimpazdardy anyqtaý tártibi
30. Jeńimpazdardy anyqtaý jáne syilyqtardy berý konkýrstyq komissiianyń sheshimimen júzege asyrylady.
31. Konkýrstyq komissiianyń quramyna partiianyń ortalyq apparat qyzmetkerleri, Qazaqstan Jazýshylar odaǵynyń músheleri, mádeniet qairatkerleri jáne basqa da tulǵalar kiredi.
32. Konkýrstyq komissiianyń quramy partiia Tóraǵasy Birinshi orynbasarynyń buiryǵymen bekitiledi.
33. Konkýrstyq komissiia birinshi otyrysta daýys berý paraǵyn bekitedi.
34. Konkýrsqa qatysý úshin kelip túsken jumystardy baǵalaý kezinde konkýrstyq komissiia mynadai kriteriilerdi basshylyqqa alady: konkýrstyń maqsattary men mindetterine sáikestigi, konkýrsqa usynylǵan jumystyń ózektiligi, avtorlyq tujyrymdama derbestigi, materialdardyń obektivtiligi, jańashyldyǵy, dáiektiligi, stili, mazmundaý tili, ideianyń biregeiligi, ádebi - kórkem qundylyǵy, estetikalyq áser etý tereńdigi.
35. Konkýrstyq komissiianyń konkýrs talaptaryna sáikes kelmeitin konkýrstyq jumystardy qaramaýǵa quqyǵy bar.
36. Konkýrstyq komissiianyń qorytyndy otyrysy, eger oǵan konkýrstyq komissiia músheleriniń jalpy sanynyń 3/2 qatyssa, zańdy bolady.
37. Konkýrstyq komissiianyń sheshimi otyrysqa qatysyp otyrǵan konkýrstyq komissiia músheleriniń jalpy sanynyń qarapaiym kópshilik daýsymen ashyq daýys berý arqyly qabyldanady.
38. Konkýrstyq komissiianyń sheshimi túpkilikti bolyp tabylady jáne qaita qaraýǵa jatpaidy.
39. Konkýrsqa usynylǵan jumystar arasynda konkýrs sharttaryna sáikes keletin materialdar bolmaǵan jaǵdaida, konkýrstyq komissiia uiymdastyrýshyǵa jáne teń uiymdastyrýshyǵa osy nominatsiia boiynsha syilyqaqyny tolyq bermeý nemese ishinara bólý týraly usynystar berýge quqyly.
