Etnograf, tarihshy Turar Sáttarqyzy  “Adal adam” YouTube arnasynda qoǵamdaǵy qundylyqtar, otbasy men tárbie týraly ashyq aitty, dep habarlaidy ult.kz.

Ol Baian Alagózovany synady.

“Men ony kóre almaǵannan emes. Odan alty alasyp, bes beresim joq. Ol ulttyń qundylyǵyna tiispesin. Ol meniń jeke basyma tisip jatqan joq. Ol ulttyń qundylyǵyna jáne urpaqtyń keri ketýine tiisip jatyr”, - dedi ol. 

Sonymen qatar suhbat barysynda áiel kúieýinen suranýy kerek pe? Nege jasy úlken áielder jas jigitterdi tańdaidy? Tanymaldardyń jeke daýy nege eldiń talqysyna ainalady? degen taqyryptar talqylanǵan. 
Aita keteiik, Anna Danchenko Baian Maqsatqyzyna alǵys bildirdi.

Baian Alagózova kim?

Baian Alagózova – qazaqstandyq prodiýser, telejúrgizýshi, aktrisa jáne media salasynyń ókili. Ol otandyq shoý-bizneste kóptegen mýzykalyq jobalardy júzege asyryp, birqatar ánshiniń tanylýyna yqpal etti. Baian Alagózova ár jyldary “KeshYOU” tobynyń prodiýseri retinde keńinen tanyldy. Onyń jetekshiligimen top quramynda óner kórsetken birneshe ánshi keiin jeke shyǵarmashylyq jolyn bastady.

Prodiýser kino salasynda da túrli jobalarǵa atsalysyp, filmder men telejobalardyń jaryqqa shyǵýyna úles qosty. Sonymen qatar ol áleýmettik jelide belsendi bolyp, shyǵarmashylyq jumysy, qoǵamdaǵy túrli máseleler men jeke kózqarasy týraly pikirin jii bólisedi.

Baian Alagózova qazaqstandyq shoý-biznestegi yqpaldy prodiýserlerdiń biri retinde tanylǵan. Ol jańa esimderdi tanytý, mýzykalyq toptar qurý jáne otandyq oiyn-saýyq indýstriiasynda kommertsiialyq jobalardy damytý baǵytynda uzaq jyldan beri eńbek etip keledi.