QR Prezidenti Jarlyǵymen bekitilgen 10 ulttyq jobany júzege asyrýǵa bólingen qarajattyń igerilýin baqylaityn arnaýly komissiia qurylady. Bul jaiynda TALAP.Talks alańynda suqbat bergen QR Strategiialyq josparlaý jáne reformalar agenttiginiń tóraǵasy, «Astana» HQO basqarýshysy Qairat Kelimbetov aitty, dep habarlaidy QazAqparat.
«Esterińizde bolsa, 2008-2009 jyldary jahandyq qarjy daǵdarysy bolǵan kezde Ulttyq qordan qomaqty qarajat bólingen bolatyn. Barlyq ýaqytta da arnaýly komissiia quryldy. Ony ádette Esep komitetiniń tóraǵasy basqaryp, onyń jumysyna barlyq quqyq qorǵaý organy, retteýshiler, Qarjy ministrliginiń ókilderi qatysty. Muny qadaǵalap otyrý óte mańyzdy. Atalǵan qarjynyń paidalanýyn, tiimdi paidalanýyn qadaǵalaý mańyzdy ekendigi sózsiz. Sondyqtan bólingen qarjattyń paidalanýyn baqylaý jónindegi mundai komissiia jyldyń sońyna deiin qurylady», - dedi Qairat Kelimbetov.
Onyń atap ótýinshe, Ulttyq jobalarǵa jumsalatyn biýdjet qarajatynyń basym bóligi memlekettiń áleýmettik mindettemeleri aiasynda qarastyrylǵan.
