Foto: Ulttyq arhiv
Ulttyq arhiv pen Ortalyq memlekettik arhivke «ulttyq» mártebe berilmek. Bul týraly Senat depýtattarynyń saýalyna Premer-ministr Oljas Bektenovtiń jaýabynda aitylǵan.
- Úkimettiń zań jobalaý jumystarynyń josparyna sáikes «Qazaqstan Respýblikasynyń keibir zańnamalyq aktilerine arhiv isi máseleleri boiynsha ózgerister men tolyqtyrýlar engizý týraly» zań jobasyna ózgerister engizý jumystary júrgizilýde. Onyń aiasynda Ulttyq arhivi men Ortalyq memlekettik arhivterge «ulttyq» mártebe berý boiynsha depýtattardyń bastamasymen ázirlengen túzetýler Úkimette pysyqtalýda. Aldaǵy ýaqytta Úkimet qorytyndysy zańnamada belgilengen tártippen joldanatyn bolady, - dedi Úkimet basshysy jaýabynda.
Premer-ministr dereginshe, respýblika boiynsha arhiv qyzmetkerleriniń ortasha jalaqysy 2024 jyly 201 622 teńgeni (2021 jyly 127 929 teńge, 2022 jyly 149 905 teńge, 2023 jyly 193 117 teńge) qurady.
- Biyl qańtarda arhivshilerdiń jalaqysy 17 paiyzǵa (ortasha jalaqy 260 999, eń tómengi jalaqy 191 939 teńge boldy) ósti. Ekologiialyq apat aimaǵynda, aýyldyq jerlerde turý bóliginde kózdelgen qosymsha aqylar jáne erekshe eńbek jaǵdailary úshin qosymsha aqylar tólenedi, - dedi Oljas Bektenov.
Buǵan deiin elimizdegi arhiv qujattardyń 25 paiyzy elektrondyq formatqa kóshirilgenin jazǵan edik.
