Jyl basynan bergi daǵdarystan ulttyq valiýtaǵa qaraǵanda Resei rýbli anaǵurlym kóp zardap shekti, dep habarlaidy "Ult aqparat" Finprom.kz. portalyna silteme jasap.
Biylǵy jyldyń jeltoqsanyna deiin ulttyq valiýtanyń naryqtyq baǵamy bir AQSh dollaryna shaqqanda 425,5 teńge deńgeiinde qalyptasty, bir aida 1,7% nemese 7,26 teńgege nyǵaidy. Mólsherleme tek naryqtyq jaǵdaiǵa bailanysty qalyptasty.
«Qarasha aiynda teńge turaqtana bastady. Qazaqstan Respýblikasynyń ulttyq valiýtasynyń oń dinamikasy qolaily syrtqy orta jaǵdaiynda, sondai-aq eksportshylardyń salyq tólemderi úshin shetel valiýtasyn satýy aiasynda qalyptasty. Teńgeniń nyǵaiýyna munai baǵasynyń kóterilýi boldy. Osylaisha, aǵymdaǵy jyldyń 30 qarashasyna qarai Brent markaly munai baǵasy aiyna 27% ósip, 47,59 AQSh dollaryn qurady. Munai baǵalary koronavirýsqa qarsy jasalynatyn vaktsinalardyń tiimdiligi týraly esepter arasynda ósti, bul ekonomikalyq belsendiliktiń erte qalypqa kelý yqtimaldyǵyn arttyrady, sonymen qatar munai ónimderine degen suranystyń tez qalpyna kelýinen», - delingen habarlamada.
Sonymen qatar, koronavirýsqa qarsy vaktsinany ázirleý progresi men AQSh-taǵy prezidenttik biliktiń resmi túrde aýysýy jekelegen damýshy elderdiń valiýta baǵamdarynyń nyǵaiyýna ákeldi. Qarashada Braziliia realy 7,2%-ǵa nyǵaidy. Sonymen qatar, túrik lirasy 6,2%-ǵa qymbattady, Ońtústik Afrika rendi 4,8%-ǵa jáne meksikalyq peso 4,7%-ǵa qymbattady
Resei rýbli de óz kezeginde oń dinamikany kórsetti. Qarasha aiynda rýbl salyq tólemderiniń esebinen 3,9%-ǵa ósti, munai baǵasynyń ósýi jalǵasty jáne investorlar táýekelge bardy. Sonymen qatar, sarapshylar rýbl syrtqy jaǵdaidy eskere otyryp, Brent barreliniń salystyrmaly túrde tómen rýbl baǵasynan kórinetin munai baǵasyna shamadan tys ósýine bailanysty qalypty ósimdi kórsetti dep sanaidy. Teńge Resei rýbline qaraǵanda syrtqy kúizelisterge tózimdi kórinedi. Máselen, jyl basynan bastap 30 qarashaǵa deiin rýbl 23,3%, al teńge - 11,1% ǵana álsiredi.
Statistika boiynsha ulttyq valiýtaǵa degen senim bar. Muny teńgelik depozitterdiń ósýinen baiqaýǵa bolady. Turǵyndardyń teńge depozitin qoldaidy. Bul dinamika korporativtik sektorda da baiqalady. Osy jyldyń on aiynda QR ekinshi deńgeili bankterindegi salymdarynyń jalpy somasy 15,3% ósip, 21,9 trln teńgeni qurady. Óz kezeginde, teńgedegi depozitter bir jyl ishinde birden 20% ósti. Depozitterdiń dollarlanýy jyl basynan beri aǵymdaǵy jyldyń qazan aiynda 43,1%-dan 40,8%-ǵa deiin tómendedi, onyń ishinde korporativti sektordaǵy depozitter - 44,8%-dan 40,7%-ǵa deiin, bólshek saýda salasynda - 41,3%-dan 40,9%. Aita keteiik, eldiń úsh aimaǵynda kórsetkish joǵary: Almatyda (52%), Nur-Sultanda (46%) jáne Atyraý oblysynda (37%).
