Memleket basshysy Bilim jáne ǵylym ministri Ashat Aimaǵambetovti qabyldady, dep habarlaidy "Ult aqparat" Aqordaǵa silteme jasap.
Kezdesý barysynda Qasym-Jomart Toqaevqa ministrliktiń qazirgi jumystary, negizgi baǵdarlamalyq qujattardyń júzege asyrylýy, sondai-aq, berilgen tapsyrmalardyń oryndalýy jóninde málimet berildi.
Ashat Aimaǵambetov Bilim salasyn damytýdyń 2020-2025 jyldarǵa arnalǵan memlekettik baǵdarlamasynyń ázirlený barysy týraly baiandady.
Qazaqstan Prezidenti jańa memlekettik baǵdarlamanyń mazmuny men osy qujatta sheshilýge tiisti mindetter jóninde óz usynystaryn aitty.
Qasym-Jomart Toqaev ministrge ulttyq ýniversitetterdiń rektorlaryn konkýrstyq negizde Qazaqstan Respýblikasy Úkimetiniń qaýlylarymen taǵaiyndaý týraly normativtik qujattar daiyndaýdy tapsyrdy.
