Nur-Sultanda Ulttyq ulan sarbazdary patrýldeý kezinde karantin aimaǵyn zańsyz kesip ótpek bolǵan eki er adamdy ustady, dep habarlaidy "Ult aqparat" Polisia.kz-ke silteme jasap.
24 naýryzda «Nur-Sultan – Kókshetaý» blokbeketine jaqyn mańda gvardiiashylar blokbeketti ainalyp ótpek bolǵan eki adamdy baiqap qalǵan. Olar ustalyp, Baiqońyr APB-ǵa berildi.
«Biz aimaqty sholyp otyryp, 250 metr qashyqtyqtan eki azamatty kórdik. Birden belgi berip, olarǵa qarai júgirdik», - dedi qatardaǵy jaýynger.
1992 jáne 1993 jylǵy jigitter qashpaǵan. Olardyń biri elorda turǵyny bolsa, ekinshisi Qostanai oblysy Arqalyq qalasynan. Ustalǵan kezde Aqkól qalasyna bara jatqandaryn aitty. Alystan olardy eshkim baiqamaidy dep oilaǵan.
«Ustalǵan kezde jaýapqa tartpai, jiberýlerin surady», - dep atap ótti sarbazdardyń biri.
