نۇر-سۇلتاندا ۇلتتىق ۇلان ساربازدارى پاترۋلدەۋ كەزٸندە كارانتين ايماعىن زاڭسىز كەسٸپ ٶتپەك بولعان ەكٸ ەر ادامدى ۇستادى, دەپ حابارلايدى "ۇلت اقپارات" Polisia.kz-كە سٸلتەمە جاساپ.
24 ناۋرىزدا «نۇر-سۇلتان – كٶكشەتاۋ» بلوكبەكەتٸنە جاقىن ماڭدا گۆارديياشىلار بلوكبەكەتتٸ اينالىپ ٶتپەك بولعان ەكٸ ادامدى بايقاپ قالعان. ولار ۇستالىپ, بايقوڭىر اپب-عا بەرٸلدٸ.
«بٸز ايماقتى شولىپ وتىرىپ, 250 مەتر قاشىقتىقتان ەكٸ ازاماتتى كٶردٸك. بٸردەن بەلگٸ بەرٸپ, ولارعا قاراي جٷگٸردٸك», - دەدٸ قاتارداعى جاۋىنگەر.
1992 جەنە 1993 جىلعى جٸگٸتتەر قاشپاعان. ولاردىڭ بٸرٸ ەلوردا تۇرعىنى بولسا, ەكٸنشٸسٸ قوستاناي وبلىسى ارقالىق قالاسىنان. ۇستالعان كەزدە اقكٶل قالاسىنا بارا جاتقاندارىن ايتتى. الىستان ولاردى ەشكٸم بايقامايدى دەپ ويلاعان.
«ۇستالعان كەزدە جاۋاپقا تارتپاي, جٸبەرۋلەرٸن سۇرادى», - دەپ اتاپ ٶتتٸ ساربازداردىڭ بٸرٸ.
