Foto:QUK
Ulttyq testileý ortalyǵynyń qyzmetine zańsyz qol suqqandar sottaldy dep habarlaidy "Ult Aqparat" UQK silteme jasap.
Qylmystyq kodekstiń 205-baby 2-bólimimen jáne 208-baby 2-bóligimen qarastyrylǵan qylmystardy jasaǵandary úshin kináli dep tanylǵan Qazaqstan azamattary «S», «J» jáne «N» qatysty Qaraǵandy qalasy Qazybek bi aýdandyq soty men Óskemen qalasy № 2 sotynyń úkimderi zańdy kúshine endi.
Olardyń árbireýine 1 jyl bas bostandyǵynan shekteý jazasy belgilendi, sondai-aq aqparattyq tehnologiia jáne telekommýnikatsiia jelileri salasynda laýazymdy qyzmetke turý quqyqtarynan 3 jyl merzimge aiyryldy.
Sottalǵan adamdar 2023 jyly QR Ǵylym jáne joǵary bilim ministrligi Ulttyq testileý ortalyǵynyń zańmen qorǵalatyn aqparatyna zańsyz qol jetkizýdi jáne kóshirýdi júzege asyrǵandary tergeýmen anyqtaldy.
Olardyń Ulttyq biryńǵai testileýdiń, pedagogtar men magistranttardyń bilimin baǵalaýdyń ótkizilýine qol suǵýlary dáleldendi.
