Ulttyq testileý ortalyǵynyń filialdaryn qysqartý qajet. Bul týraly QR Bilim jáne ǵylym ministri Ashat Aimaǵambetov aitty, dep habarlaidy "Ult aqparat".
«Taǵy bir másele, Ulttyq testileý ortalyǵynyń jergilikti filialdaryn azaitý boiynsha jumys júrgizilsin. Tek qana eń basty, eń mańyzdy ortalyqtarda da filialdar jumys isteitin bolady. Búginde elektrondy tsifrly testileýge kóshkennen keiin mundai qajettilik joq», - dedi Ashat Aimaǵambetov ministrliktiń apparat jinalysynda.
Sondyqtan ministr Ulttyq biryńǵai testileý ortalyǵy men osy máseleni úilestirý quziretine kiretin vitse-ministrge osy baǵyttaǵy jumysty júrgizýdi tapsyrdy.
«Olardyń sany 150-ge jýyqtaidy. Ulttyq testileý ortalyǵyn barynsha jinaqy jasaý úshin batyl is-sharalar qabyldaý qajet», - dedi ol.
