QR Bilim jáne ǵylym ministrliginiń «Ulttyq testileý ortalyǵy» RMKK direktory para alǵany úshin sottaldy, – dep habarlaidy QR Sybailas jemqorlyqqa qarsy is-qimyl agenttiginiń baspasóz qyzmeti.
Sybailas jemqorlyqqa qarsy qyzmetimen Bilim jáne ǵylym ministrliginiń «Ulttyq testileý ortalyǵy» RMKK direktory R.S.Álimqulovqa qatysty para aldy degen degen kúdikpen júrgizilgen sotqa deiingi tergeý aiaqtaldy.
«Ol qonaq úi qyzmetin kórsetý boiynsha sharttardy buzbaǵany, oryndalǵan jumys aktilerine kedergisiz qol qoiǵany, júgensizdikke jol bergeni jáne jalpy qamqorlyǵy úshin 5 mln teńge somasynda para aldy dep kúdikke ilingen. 22 qarashada Nur-Sultan qalasynyń qylmystyq ister jónindegi mamandandyrylǵan aýdanaralyq sotynyń úkimimen Álimqulov para aldy dep aiyptalyp, 3,5 jyl bas bostandyǵynan aiyryldy. Atalǵan tulǵa memlekettik qyzmette laýazym ielený quqyǵynan ómir boiyna aiyryldy» delingen habarlamada.
Eske sala ketsek, mamyr aiynda «Ulttyq testileý ortalyǵynyń» burynǵy jáne qazirgi direktorlary sybailas jemqorlyq kúdigine ilingen bolatyn.
