2019 jylǵy 23 tamyzda Qostanai qalasynyń «Jastar saraiy» kontserttik zalynda Qazaqstan ulttyq (etnikalyq) teatrlarynyń V respýblikalyq festivaliniń saltanatty jabylý keshi ótti.
Ózderińizge belgili bolǵandai atalǵan festival eki jylda bir ret ótedi. Osyǵan deiin festival Nur-Sultan, Qaraǵandy, Shymkent qalalarynda ótken. Osy jyly festival Qostanai qalasynda aǵymdaǵy jyldyń 20-23 tamyz aralyǵynda ótti. Festivalǵa bes teatr, atap aitqanda Shymkent qalalyq ózbek drama teatry (S.Dosanov «Qasqyr ulyǵan tún» /drama/ ózbek tilinde, rejisser: S.Meliev), Memlekettik respýblikalyq akademiialyq korei mýzykalyq komediia teatry (Ǵ.Músrepov «Poema o liýbvi» (Qozy Kórpesh – Baian Sulý) /spektakl epos/ káris tilinde, rejisser: D.Jýmabaeva), Q.Qojamiiarov atyndaǵy respýblikalyq memlekettik akademiialyq uiǵyr mýzykalyq komediia teatry («Apat» /mýzykalyq-plastikalyq spektakl/ rejisser: Ia.Shamiev), I.Omarov atyndaǵy Qostanai oblystyq qazaq drama teatry (N.Gogol «Úilený» /komediia/ qazaq tilinde, rejisser: A.Baimahan), Qostanai oblystyq orys drama teatrlary qatysty (N.Sadýr «Pannochka» /mistikalyq melodrama/ orys tilinde, rejisser: A.Liopa).
Qazylar alqasynyń quramy:
- Qazaqstan Respýblikasy Parlamenti Májilisiniń depýtaty, Qazaqstan halqy Assambleiasynyń múshesi Jýmadildaeva Natalia Vasilevna;
- Qazylar alqasynyń tóraǵasy, teatr synshysy, Ǵ. Músirepov atyndaǵy Qazaq memlekettik akademiialyq balalar men jasóspirimder teatrynyń kórkemdik jetekshisi, ónertaný ǵylymdarynyń kandidaty Erkin Jýasbek;
- Kino jáne teatr akteri, Qazaqstannyń eńbek sińirgen ártisi, M.Iu. Lermontov atyndaǵy Memlekettik akademiialyq orys drama teatrynyń akteri Mihail Tokarev;
- Teatrtanýshy, ónertaný kandidaty, T.Júrgenov atyndaǵy qazaq ulttyq óner akademiiasynyń dotsenti, Halyqaralyq teatr synshylary assotsiatsiiasynyń múshesi Anar Erkebai;
- Akter, Qazaqstannyń eńbek sińirgen qairatkeri, «Nomad City Hall» teatrynyń bas rejisseri Sailaý Qamiev.
Osy ýaqyttyń ishinde Qostanai qalasynyń qonaqtary men turǵyndary festival qatysýshylarynyń qoiylymdaryn kórip, rizashylyqtaryn bildirdi.
Saltanatty jabylý keshine Qazaqstan halqy Assambleiasynyń, QR Mádeniet jáne sport ministrliginiń ókilderi, Qostanai oblysynyń basshylyǵy, oblystyń óner qairatkerleri, QR etnoteatrlarynyń ujymdary, BAQ, teatr súier qaýym, qala turǵyndary men qonaqtary qatysty.
Is-sharany quttyqtaý sózimen Qazaqstan Respýblikasy Prezident ákimshiliginiń Qazaqstan halqy Asssambleiasy hatshylyǵy meńgerýshisiniń orynbasary N.M. Narjanov ashty.
Osydan keiin keshtiń júrgizýshileri festivaldiń qorytyndylaryn jariialaý jáne diplomdardy tabystaý úshin sóz kezegin qazylar alqasynyń tóraǵasy men múshelerine berdi.
Teatrtanýshy, ónertaný kandidaty, T.Júrgenov atyndaǵy qazaq ulttyq óner akademiiasynyń dotsenti, Halyqaralyq teatr synshylary assotsiatsiiasynyń múshesi Anar Erkebai «Festivaldiń ekinshi plandaǵy úzdik er adam beinesi» nominatsiiasy boiynsha diplommen N.Sadýrdyń «Pannochka» spektaklindegi Iavtýh roli úshin Qostanai oblystyq orys drama teatrynyń akteri Oleg Smirnovty marapattady.
Teatr akteri ári rejisseri, Qazaqstannyń eńbek sińirgen qairatkeri, «Nomad City Hall» teatrynyń bas rejisseri Sailaý Qamiev «Festivaldiń ekinshi plandaǵy úzdik áiel beinesi» nominatsiiasy boiynsha diplommen N.Gogoldiń «Úilený» spektaklindegi Dýniasha roli úshin I.Omarov atyndaǵy Qostanai oblystyq qazaq drama teatrynyń aktrisasy Nazira Imandy marapattady.
Qazaqstan Respýblikasy Parlamenti Májilisiniń depýtaty, Qazaqstan halqy Assambleiasynyń múshesi Natalia Jumadildaeva «Festivaldiń kórermen kózaiymy júldesi» nominatsiiasy boiynsha diplommen «Qasqyr ulyǵan tún» spektakli úshin Shymkent qalalyq ózbek drama teatryn marapattady.
Kino jáne teatr akteri, Qazaqstannyń eńbek sińirgen ártisi, M.Iu. Lermontov atyndaǵy Memlekettik akademiialyq orys drama teatrynyń akteri Mihail Tokarev «Festivaldiń úzdik stsenografiialyq jumysy» nominatsiiasy boiynsha diplommen N.Sadýrdyń «Pannochka» spektakli úshin Qostanai oblystyq orys drama teatryn marapattady.
Teatr synshysy, Ǵ. Músirepov atyndaǵy Qazaq memlekettik akademiialyq balalar men jasóspirimder teatrynyń kórkemdik jetekshisi, ónertaný ǵylymdarynyń kandidaty Erkin Jýasbek «Festivaldiń úzdik áiel beinesi» nominatsiiasy boiynsha diplommen N.Gogoldiń «Úilený» spektaklindegi Agafia Tihonovna roli úshin I.Omarov atyndaǵy Qostanai oblystyq qazaq drama teatrynyń aktrisasy Diana Tursynovany marapattady.
Qazaqstan Respýblikasy Mádeniet jáne sport ministrligi Kinematografiia jáne teatr óneri basqarmasynyń bas sarapshysy Gúlnafis Myrzasheva «Festivaldiń úzdik er adam beinesi» nominatsiiasy boiynsha diplommen N.Gogoldiń «Úilený» spektaklindegi Podkolesin roli úshin I.Omarov atyndaǵy Qostanai oblystyq qazaq drama teatrynyń akteri Qonysbek Begaidarovty marapattady.
Qostanai oblysy ákimdiginiń Mádeniet basqarmasynyń basshysy Erlan Qalmaqov «Festivaldiń úzdik rejisserlik jumysy» nominatsiiasy boiynsha diplommen «Apat» spektakli úshin Qudys Qojamiiarov atyndaǵy Respýblikalyq memlekettik akademiialyq uiǵyr mýzykalyq komediia teatrynyń rejisseri Ialkýnjan Shamievti marapattady.
«Festivaldiń úzdik spektakli» nominatsiiasy boiynsha bas júldeni Qazaqstan Respýblikasy Prezident ákimshiliginiń Qazaqstan halqy Asssambleiasy hatshylyǵy meńgerýshisiniń orynbasary N.M. Narjanov «Poema o liýbvi» spektakli úshin Respýblikalyq memlekettik akademiialyq korei mýzykalyq komediia teatryn marapattady.
Nominatsiialar boiynsha júldeler tabystalǵannan keiin jergilikti shyǵarmashylyq ujymdarynyń qatysýymen kontserttik baǵdarlama usynyldy, sonymen qatar jabylý saltanatynyń arnaiy qonaǵy Nur-Sultan qalasynyń «VoiceKZ» toby óz ónerlerimen kórermenderdi qýantty.
