Aǵymdaǵy jyldyń 20-23 tamyz aralyǵynda Qazaqstan Respýblikasynyń Mádeniet jáne sport ministrligi Qazaqstannyń ulttyq (etnikalyq) teatrlarynyń V respýblikalyq festivalin ótkizedi.
Qazylar alqasynyń quramynda E.Jýasbek, M.Tokarev, A.Erkebai, S.Qamiev siiaqty tanymal teatr synshylary men ártisteri, sondai-aq Qazaqstan Respýblikasy Parlamenti Májilisiniń depýtaty N.Jumadildaeva bar.
Festival baǵdarlamasy tórt kúnge ázirlengen. Saltanatty ashylý rásimi 20 tamyzda saǵat 10:00-de I. Omarov atyndaǵy Qostanai oblystyq qazaq drama teatrynda ótedi.
Odan keiin memlekettik Respýblikalyq akademiialyq korei mýzykalyq komediia teatrynyń trýppasy («Mahabbat týraly Poema» spektakl-eposy) jáne Qostanai oblystyq orys drama teatrynyń trýppasy («Aq kelinniń mahabbaty men ólimi» tragediiasy) úzdik qoiylymdaryn usynady.
Ekinshi kúni, 21 tamyzda, kórermen aldyna Shymkent qalalyq Ózbek drama teatrynyń («Qasqyr ulyǵan tún» dramasy) jáne I. Omarov atyndaǵy Qostanai oblystyq qazaq drama teatrynyń ártisteri («Aq bas búrkit» dramasy) shyǵady.
Al úshinshi kúni, 22 tamyzda, teatr sahnasynda memlekettik K. Qojamiarov atyndaǵy Memlekettik respýblikalyq akademiialyq uiǵyr mýzykalyq komediia teatrynyń ujymy óner kórsetedi («Apat» mýzykalyq plastikalyq spektakli).
Festivaldiń saltanatty jabylýy men jeńimpazdardy marapattaý rásimi Qazaqstan halqy Assambleiasy Tóraǵasynyń orynbasary J.Q. Túimebaevtyń, QR Mádeniet jáne sport ministrliginiń ókilderiniń, Qostanai oblysynyń ákimi A.B. Muhambetovtyń qatysýymen aǵymdaǵy jyldyń 23 tamyzynda saǵat 10:00-de Jastar saraiynda ótkiziledi.
Sonymen qatar, negizgi baǵdarlamadan tys festival qatysýshylary úshin Qostanai qalasynyń kórikti jerlerin kórsetýge arnalǵan mádeni baǵdarlama qarastyrylǵan.
Festival uiymdastyrýshylary - Qazaqstan Respýblikasynyń Mádeniet jáne sport ministrligi, Qazaqstan halqy Assambleiasy, Qostanai oblysy ákimdigi.
Barlyq kórermenderge festivalǵa kirý tegin.
