Ulttyq statistika biýrosynyń basshysy Nurbolat Aidapkelov ulttyq halyq sanaǵy ne úshin júrgiziletindigin túsindirdi, dep habarlaidy QazAqparat.
«Aldaǵy sanaq Qazaqstan halqynyń tek sany boiynsha naqty ahýaldy ǵana emes, sonymen qatar eldiń ákimshilik-aýmaqtyq bólinisi boiynsha el turǵyndaryn sipattaityn demografiialyq jáne áleýmettik-ekonomikalyq aqparattyń keń aýqymyn alýǵa, derekterdi demografiialyq, ekonomikalyq boljaý, jumyspen qamtý salasyndaǵy saiasatty aiqyndaý, basqa da áleýmettik baǵdarlamalardy qurý, sondai-aq ǵylymdy, biznesti jáne búkil qoǵamdy aqparattyq qamtamasyz etý úshin paidalanýǵa, basqa elderdiń, birinshi kezekte, EAEO boiynsha áriptes elderdiń sanaq derekterimen salystyrmaly derekterdi, sanaqaralyq kezeńinde halyq týraly statistikalyq derekterdiń sapasyn arttyrý jáne halyqtyń jas pen jynystyq qurylymy týraly naqty derekterdi alýǵa, halyqtyń sany men jynystyq-jas qurylymyn baǵalaý úshin bastapqy bazany, halyqtyń ártúrli áleýmettik-demografiialyq toptarynyń jaǵdaiyn sipattaityn aqparatty alý, demografiialyq jáne áleýmettik-ekonomikalyq kórsetkishterdi esepteýdi júrgizý boiynsha naqty ahýaldy da bilýge múmkindik beredi», - dedi Nurbolat Aidapkelov Ortalyq kommýnikatsiialar qyzmetindegi baspasóz máslihaty barysynda.
Biýro basshysynyń atap ótýinshe, ulttyq halyq sanaǵy 2021 jylǵy 1 qyrkúiek pen 30 qazan aralyǵynda ótkiziledi. Onyń ishinde 1 qyrkúiekten 15 qazanǵa deiin onlain sanaq júrgiziledi. Al 1 qazan men 30 qazan aralyǵynda planshetterde jappai saýal salý júrgizý bolady.
