Foto: Welcome.kz
Biyldan bastap ulttyq sport túrleri Qazaqstanda olimpiadalyq jáne paralimpiadalyq sport túrlerimen qatar basymdyqqa ie bolady, dep habarlaidy Ult.kz.
Maýsym aiynda kúshine engen «Dene shynyqtyrý jáne sport týraly» zańnyń jańa redaktsiiasy ulttyq sportty joǵary jetistikter sporty retinde maqsatty túrde damytýdy jáne qarjylandyrýdy kózdeidi.
Memleket basshysy Qasym-Jomart Toqaev biylǵy 14 naýryzda ótken Ulttyq quryltaidyń IV otyrysynda ulttyq sporttyń mańyzdylyǵyna erekshe toqtalyp, ony mádeni biregeilik pen ult saýlyǵyn tárbieleýdiń mańyzdy quraly dep atady.
Qazirgi tańda elimizde 11 ulttyq sport túri belsendi túrde damyp keledi. Olar: asyq atý, aýdaryspaq, báige, dástúrli sadaq atý, jamby atý, jekpe-jek, kókpar, qazaq kúresi, qusbegilik, teńge ilý jáne toǵyzqumalaq. Olardyń ishinde qusbegilik, toǵyzqumalaq, qazaq kúresi jáne asyq atý IýNESKO-nyń materialdyq emes mádeni muralar tizimine engen.
2024 jylǵy qyrkúiek aiynda Astanada ótken V Dúniejúzilik kóshpendiler oiyny ulttyq sporttyń abyroiyn taǵy bir márte asqaqtatty. 89 elden kelgen 2700 sportshy qatysqan bairaqty básekede Qazaqstan quramasy 112 medal (onyń ishinde 43 altyn) ielenip, jalpykomandalyq esepte jeńiske jetti.
Sondai-aq el aýmaǵynda jyl saiyn «Aqbidai» aýyl sport oiyndary, «Qazaqstan Barysy» respýblikalyq týrniri, «Uly dala joryǵy» marafon-báigesi jáne túrli etnosport festivalderi men chempionattar uiymdastyrylady.
Ulttyq sport túrleriniń damýy – ulttyń mádeni tamyryn nyǵaityp, óskeleń urpaqtyń boiyna otansúigishtik pen rýhani qundylyqtardy sińirýdiń mańyzdy tetigine ainalyp otyr.
