Qazaqstanda ulttyq sport bilim berý baǵdarlamasyna engizý qolǵa alynbaq. Bul týraly búgin Zań jobalaý qyzmeti máseleleri jónindegi vedomstvoaralyq komisssiia otyrysynda QR Mádeniet jáne sport vitse-ministri Eldos Ramazanov aitty, dep habarlaidy QazAqparat.
Otyrysta vitse-ministr «Qazaqstan Respýblikasynyń keibir zańnamalyq aktilerine dene shynyqtyrý jáne sport máseleleri boiynsha ózgerister men tolyqtyrýlar engizý týraly» Qazaqstan Respýblikasynyń Zańy jobasynyń tujyrymdamasyn tanystyrǵan bolatyn. Atalǵan qujatta bilim berý uiymdarynda dene shynyqtyrý men sportty damytý baǵyttarynyń biri retinde bilim berý baǵdarlamalaryna ulttyq sport túrlerin engizý kózdeledi. Bul óz kezeginde ulttyq sport túrleriniń tanymaldyǵyn arttyryp, jastardyń Otanǵa degen súiispenshiligin kúsheitedi. Dene shynyqtyrý jáne sportpen ainalysýshylar sanynyń artýyna septigin tigizedi.
«Oqýshylar arasynda dene shynyqtyrý jáne sporttyń tanymaldyǵyn arttyrý úshin sporttyq sharalardyń sanyn arttyrý qajet. Al aýyldyq eldi meken turǵyndaryn dene shynyqtyrý jáne sportqa yntalandyrý úshin negizinen oqý oryndarynda shoǵarlandyrylǵan sport infraqurylymyn paidalanǵan jón. Aǵymdaǵy jaǵdaidy taldaý, sonymen qatar balalar, jasóspirimder jáne jastar densaýlyǵyn nyǵaitý boiynsha negizdi basqarýshylyq sheshim qabyldaý úshin fizikalyq daiyndyq pen fizikalyq damý monitoringin júrgizý qajet. Dene shynyqtyrý jáne sportpen ainalysatyn halyqtyń densaýlyǵyn nyǵaitý, qoldaý jáne qalpyna keltirý úshin dárigerlik-dene shynyqtyrý dispaenserlik jumystardy nyǵaitý kerek», - dedi Eldos Ramazanov.
