Ulttyq sanaq bastalatyn 2021 jyldyń 1 qyrkúieginde «1446» biryńǵai call-ortalyǵy iske qosylady, dep habarlaidy "Ult aqparat".
QR Strategiialyq josparlaý jáne reformalar agenttigi Ulttyq statistika biýrosynan málim etkendei, eldiń barlyq aýmaǵyndaǵy mobildi jáne statsionarly telefondar úshin biryńǵai - 1446 nómiri jumys jasaidy. Sondai-aq 8 8000 800 878 nómirine qońyraý shalýǵa bolady. Sall-ortalyqqa qońyraý shalý – tegin.
«Respondent call-ortalyqqa 1446 nómiri boiynsha qońyraý shalǵan kezde Ulttyq statistika biýrosynyń óńirlerdegi jáne ortalyq apparattaǵy sáikesti telefon nómirlerine avtomatty túrde qosýlar júrgiziledi.
Sonymen qatar, respondentter kez kelgen aryz-saýalmen nemese keńes alý úshin biýronyń http://stat.gov.kz internet-resýrsyna, biýro basshysynyń blogyna, sondai-aq áleýmettik jeliler arqyly (YouTube, Facebook, Instagram, Telegram) júgine alady», - dep naqtylady vedomstvodan.
