Biylǵy 1 qyrkúiekte bastalatyn ulttyq sanaq Qazaqstan azamattaryna barlyǵy 87 suraq qoiylady, dep habarlaidy "Ult aqparat".
QR Strategiialyq josparlaý jáne reformalar agenttigi Ulttyq statistika biýrosynan málim etkendei, sanaq paraqtaryndaǵy suraqtar sany aitarlyqtai ulǵaitylǵan. Munda barlyǵy 67 suraq jáne oǵan qosymsha 20 naqtylaýshy suraq bar.
«Suraqtardyń aiasyn keńeitýge Eýropalyq sanaqshylardyń 2020 jylǵy turǵyn úi qoryn jáne turǵyndar sanaǵyn júrgizý jónindegi usynystary men TMD Memleketaralyq statistikalyq komitettiń ádistemelik materialdary negiz boldy.
Saýalnama 73 suraq aiasynda júrgizilgen 2009 jyldyń ulttyq sanaǵynan ereksheligi, 2021 jyldyń sanaǵynda kóshi-qon, eńbekpen qamtý, neke jaǵdaiy, bala týý jáne til bilýi boiynsha suraqtar aiasy keńeitildi. Sondai-aq, BUU-nyń múgedektik statistikasy jónindegi Vashington tobymen usynylǵan jańa suraqtar qosyldy, munda múgedektik kriteriilerin eskerip, densaýlyq saqtaý statistikasy aiasynda halyqaralyq yntymaqtastyqty keńeitýge yqpal etý kózdelgen», - dedi Ulttyq statistika biýrosynan.
Buǵan deiin habarlaǵanymyzdai, elimizde ulttyq sanaq 2021 jyldyń 1 qyrkúiegi - 30 qazany aralyǵynda ótedi. 1 qyrkúiekte sanaq.gov.kz arnaiy saity iske qosylady.
