Foto: Qazdauiri.kz
Shyǵys Qazaqstan oblysy, Katonqaraǵai óńirinde kórnekti qalamger, pýblitsist, qoǵam qairatkeri Didahmet Áshimhanulynyń shyǵarmashylyǵyna arnalǵan «Ulttyq rýh jyrshysy» atty respýblikalyq ǵylymi-tájiribelik konferentsiia óz jumysyn bastady, dep habarlaidy Ult.kz.
Taǵylymdy sharaǵa Qazaqstan Jazýshylar odaǵynyń Basqarma Tóraǵasy Mereke Qulkenov arnaiy qatysyp, konferentsiianyń ashylýynda sóz sóilep, qalamger Didahmet Áshimhanulynyń qazaq ádebietindegi orny, azamattyq hám qalamgerlik bolmysy, ulttyq múdde jolyndaǵy qairatkerlik qyzmeti týraly mazmundy oi tolǵady.
– Didahmet – ult sózin ulyqtaǵan, ulttyq rýhty tý etken qalamger edi. Onyń árbir shyǵarmasy – qazaqtyń ar-namysyn, bolmys-bitimin, qaisar rýhyn beineleitin kórkem shejire. Biz búgin osy konferentsiia arqyly Didahmet Áshimhanulynyń qalamgerlik biigin, azamattyq parasatyn taǵy bir márte el jadyna jańǵyrtyp otyrmyz, – dedi Mereke Qulkenov óz sózinde.
Foto: Jazýshylar odaǵy
Konferentsiia barysynda jazýshynyń ádebi murasy men qoǵamdyq qyzmeti keńinen taldanyp, elimizdiń ár óńirinen kelgen tanymal ádebiettanýshylar, ǵalymdar men jas zertteýshiler tarapynan mazmundy baiandamalar jasaldy.
Konferentsiia saltanatty túrde teatrlandyrylǵan qoiylymmen ashyldy. Shyǵys Qazaqstan oblystyq drama jáne opera teatrynyń shyǵarmashylyq ujymy «D. Áshimhanulyna arnaý» atty sahnalyq kompozitsiia usynyp, jazýshynyń ómiri men rýhani álemin kórkem obrazdar arqyly tanyta bildi.
