فوتو: Qazdauiri.kz
شىعىس قازاقستان وبلىسى, كاتونقاراعاي ٶڭٸرٸندە كٶرنەكتٸ قالامگەر, پۋبليتسيست, قوعام قايراتكەرٸ ديداحمەت ەشٸمحانۇلىنىڭ شىعارماشىلىعىنا ارنالعان «ۇلتتىق رۋح جىرشىسى» اتتى رەسپۋبليكالىق عىلىمي-تەجٸريبەلٸك كونفەرەنتسييا ٶز جۇمىسىن باستادى, دەپ حابارلايدى Ult.kz.
تاعىلىمدى شاراعا قازاقستان جازۋشىلار وداعىنىڭ باسقارما تٶراعاسى مەرەكە قۇلكەنوۆ ارنايى قاتىسىپ, كونفەرەنتسييانىڭ اشىلۋىندا سٶز سٶيلەپ, قالامگەر ديداحمەت ەشٸمحانۇلىنىڭ قازاق ەدەبيەتٸندەگٸ ورنى, ازاماتتىق ھەم قالامگەرلٸك بولمىسى, ۇلتتىق مٷددە جولىنداعى قايراتكەرلٸك قىزمەتٸ تۋرالى مازمۇندى وي تولعادى.
– ديداحمەت – ۇلت سٶزٸن ۇلىقتاعان, ۇلتتىق رۋحتى تۋ ەتكەن قالامگەر ەدٸ. ونىڭ ەربٸر شىعارماسى – قازاقتىڭ ار-نامىسىن, بولمىس-بٸتٸمٸن, قايسار رۋحىن بەينەلەيتٸن كٶركەم شەجٸرە. بٸز بٷگٸن وسى كونفەرەنتسييا ارقىلى ديداحمەت ەشٸمحانۇلىنىڭ قالامگەرلٸك بيٸگٸن, ازاماتتىق پاراساتىن تاعى بٸر مەرتە ەل جادىنا جاڭعىرتىپ وتىرمىز, – دەدٸ مەرەكە قۇلكەنوۆ ٶز سٶزٸندە.
فوتو: جازۋشىلار وداعى
كونفەرەنتسييا بارىسىندا جازۋشىنىڭ ەدەبي مۇراسى مەن قوعامدىق قىزمەتٸ كەڭٸنەن تالدانىپ, ەلٸمٸزدٸڭ ەر ٶڭٸرٸنەن كەلگەن تانىمال ەدەبيەتتانۋشىلار, عالىمدار مەن جاس زەرتتەۋشٸلەر تاراپىنان مازمۇندى باياندامالار جاسالدى.
كونفەرەنتسييا سالتاناتتى تٷردە تەاترلاندىرىلعان قويىلىممەن اشىلدى. شىعىس قازاقستان وبلىستىق دراما جەنە وپەرا تەاترىنىڭ شىعارماشىلىق ۇجىمى «د. ەشٸمحانۇلىنا ارناۋ» اتتى ساحنالىق كومپوزيتسييا ۇسىنىپ, جازۋشىنىڭ ٶمٸرٸ مەن رۋحاني ەلەمٸن كٶركەم وبرازدار ارقىلى تانىتا بٸلدٸ.
