Jylda reforma jasamasa kóńili kónshimeitin Bilim ministriliginiń biyldan bastap Ulttyq testileýden qazaq tili men ádebietin alyp tastaǵany. Qańtardan engizilgen sol ereje, emtihan bastalmai jatyp qyp-qyzyl daýǵa sebepker bop otyr. Óitkeni, oqýshy túgili shoý-bizneste júrgenderdiń ózin shatastyratyn saýal kóp.
Suraq:
– Suhbat qandai maqsatpen alyndy?
A) Ermek Tursynovtyń kino týraly oiyn bilý úshin
V) Ermek Tursynovtyń filmderin jarnamalaý úshin
S) Ermek Tursynovty tanystyrý úshin
D) Otandyq filmderge taldaý jasaý úshin
E) Baian Esentaeva men Nurtas Adambaiǵa syn aitqyzý úshin.
Osylaisha, joǵary oqý ornyna túsý úshin Baian týraly bilý qajet bop shyqty. Aty-shýly prodiýser men komediialyq ártis jaily test suraqtary qazaq tili men ádebietiniń oryn basqan «Oqý saýattylyǵy» atty pánniń ishinde júr.
Al, KTK arnasyna resmi jaýap bergen Ulttyq testileý ortalyǵynyń direktory Ramazan Álimqulov bylai deidi:
- Oqýshylardyń Ulttyq Biryńǵai Testileýge degen, jalpy oqýǵa degen qyzyǵýshylyǵyn arttyrý úshin biz mundai qadamǵa sanaly túrde bardyq. Al, naǵyz testileýdiń ózinde suraqtar memlekettik bilim berý standarttaryna sai bolady.
Ádebiettegi ónegeni ósekke toly "glamýrmen" almastyrǵandar osylaisha talapker bilimin shoý-biznes arqyly arttyrǵanyna máz.
Nebári 8 kúnnen keiin túlekterden ulttyq testi tapsyrýǵa ótinishter qabyldaý bastalady. Bul synaq burynǵy synaqtan ózgerek bolmaq. Mektep bitirýshiler mindetti úsh pán - «Matematika saýattylyǵy», «Qazaqstan tarihy» jáne osy shoý-biznesten saýatyn ashatyn «Oqý saýattylyǵy» pánderinen, sondai-aq ózderi tańdaǵan eki pánnen synaq tapsyrady.
Derekkóz: KTK
