Foto: «Qazaqstan temirjoly» AQ baspasóz qyzmeti
Naýryz meiramy qarsańynda elordalyq vokzaldardyń perronynan etnikalyq stilde bezendirilgen poiyzdar reiske shyqty, dep habarlaidy «Ult aqparat» «Qazaqstan temirjoly» AQ baspasóz qyzmetine silteme jasap.
Olar:
№3/4 "Astana-Almaty",
№85/86 "Astana-Shymkent
№7501/7502 "Astana-Pavlodar" baǵyttaryndaǵy poiyzdar.
"Jolaýshylardy ulttyq kiim kigen jolserikter qarsy aldy", - dep atap ótti kompaniia.
Jolaýshylar men shyǵaryp salýshylar úshin dombyrashylar qazaq halqynyń mádenietiniń basty simvoly – dombyranyń súiemeldeýimen án saldy.
Sonymen qatar, árbir jolaýshyǵa merekelik kóńil-kúi syilaityn elimizdiń ulttyq taǵamdary "naýryz kóje" men "baýyrsaq" usynyldy.
"Elimizde atalyp ótetin merekelermen jolaýshylardy quttyqtaý – kompaniianyń jyl saiynǵy dástúri", - dep atap ótti "Jolaýshylar tasymaly" AQ bas direktory Jánibek Taijanov.
Onyń aitýynsha, kompaniia jyl saiyn jolaýshylarǵa merekelik kóńil-kúi syilai otyryp, poiyzdardy erekshe stilde bezendirýdi ádetke ainaldyrǵan.
Etnikalyq stildegi poiyzdar 2024 jyldyń naýryz aiynyń sońyna deiin júredi.
Aita keteiik, bul merekelik aktsiia elimizdiń barlyq óńirlerinde ótkiziledi.
