2018 jylǵy 21 aqpanda saǵat 14:00-de, Qazaqstan Respýblikasy Ulttyq mýzeiinde Dúniejúzilik ekskýrsiia júrgizýshilerdiń kúnine orai «Juldyzdy gid» shoý-jobasy ótedi.
Jobaǵa QR eńbek sińirgen qairatkerleri – Aigúl Imanbaeva, Aigúl Qosanova, Ardaq Balajanova, Jeńis Ysqaqova, ánshi Dos, teatr jáne kino ártisteri – Dáýren Serǵazin men Nurken Óteýilov qatysady. Qazirgi tańda qatysýshylardyń barlyǵy qyzý daiyndyq ústinde.
Joba – barysynda qatysýshylar mýzeige kelýshilerdi elimizdiń tarihy, mádenieti jáne dástúrimen tanystyrady, al kelýshiler tanymal óner qairatkerlerin jańa qyrynan kórýge múmkindik alady.
«Juldyzdy gid» jobasy Astananyń 20-jyldyǵy qarsańynda jyl saiyn 21 aqpanda atalyp ótiletin Dúniejúzilik ekskýrsiia júrgizýshiler kúnine orailastyrylǵan. Ekskýrsiia júrgizýshilerdiń kásiptik merekesi álemniń túkpir-túkpirinde atalyp ótiledi, ásirese iri qalalar – týristik ortalyqtarda atalǵan mereke óte tanymal. Ózderiniń kásiptik merekesin alǵash ret 1990 jyly London qalasynyń ekskýrsiia júrgizýshileri atap ótken bolatyn. Bul kúndi atap ótý bastamasyn Ekskýrsiia júrgizýshiler assotsiatsiialarynyń halyqaralyq federatsiiasy usynǵan.
«Juldyzdy gid» shoý-jobasy Ulttyq mýzeide biyl úshinshi ret ótkizilmek. Osyǵan deiin jobaǵa Altynai Jorabaeva, Qaraqat Ábildina, Marjan Arapbaeva, Qalqaman Sarin, Ádil Ahmetov qatarly óner maitalmandary qatysqan bolatyn.
