18 mamyrda saǵat 18:00-24:00 aralyǵynda Qazaqstan Respýblikasy Ulttyq mýzeiiniń 5 jyldyǵyna orai Halyqaralyq mýzei kúni merekesine arnalǵan «Bes jyl birge» taqyrybynda «Mýzeiler túni» aktsiiasy ótedi. Aktsiiaǵa kelgen astanalyqtar men qala qonaqtary Ulttyq mýzeige tegin kirip, túrli sharalardy tamashalai alady.
Sharanyń maqsaty - ulttyq kodqa negiz bolatyn ulttyq qundylyqtardy, halqymyzdyń tarihyn, mádenietin, salt-dástúrin zamanaýi formatta tanytyp, murajai qyzmetin, ondaǵy eksponattar men jaýhar jádigerlerdi keńnen nasihattaý.
Halyqaralyq mýzei kúni merekesi 1977 jyly Halyqaralyq mýzeiler keńesiniń Bas konferentsiiasynda bekitilgen. Atalǵan dataǵa orai 1997 jyly tuńǵysh ret «Mýzei túni» sharasy Berlin qalasynda ótkizildi. «Mýzeiler túni» aktsiiasy QR Ulttyq mýzeiinde jyl saiyn dástúrli túrde uiymdastyrylyp keledi. Atalǵan shara osyǵan deiin 5 márte uiymdastyryldy. 2015 jylǵy alǵashqy aktsiiaǵa 23 myń adam qatyssa, 2016 jylǵy 18 mamyr kúni Ulttyq mýzeige 30 myńnan astam adam kelgen. 2017 jyly atalǵan aktsiia 2 ret ótkizildi. Onyń alǵashqysy «Naýryz» merekesine orai «Naýryz – jańǵyrý nyshany» degen taqyryppen uiymdastyrylyp, Halyqaralyq mýzeiler kúnine arnaldy.
Murajai qonaqtary Ulttyq mýzeidiń 5 jyldyǵyna orai, mýzei qorynan jańa eksponattarmen tolyqtyrylǵan Etnografiia zaly men jańa ashylǵan «Asyl mura» zaldaryn tamashalai alady.
2015 jylǵy 18 naýryzda qorlardy tolyqtyrý maqsatyman «Ulttyq mýzeige syi tartý» aktsiiasy qolǵa alynǵan bolatyn. Kórnekti qoǵam jáne saiasat qairatkerleriniń, Uly Otan soǵysy Batyrlary men ardagerleriniń urpaqtary jáne jeke kollektsiianerler mýzeige tarihi jáne mádeni qundylyǵy bar zattardy syiǵa tartyp, mýzei qorlary túrli qundy jádigerlermen tolyqqan. Osy eksponattar «Asyl mura» zalyna usynylyp, qarý-jaraq pen kilem toptamalary, memleket jáne saiasat qairatkeri I.Tasmaǵambetovtyń kollektsiiasynan zergerlik áshekeiler, áielder men erlerdiń beldikteri, at ábzelderi jáne B. Sarbaevtyń kollektsiiasynan álem halyqtarynyń mýzykalyq aspaptary syndy jeke kollektsiialardan baǵaly buiymdar qoiyldy.
«Mýzeiler túni» aktsiiasy barysynda Respýblikalyq «Egemen Qazaqstan» gazetiniń 100 jyldyǵyna orai «Júz jyldyq jylnama» kórmesi saltanatty túrde ashylady.
Sonymen qatar shara baǵdarlamasynda aqyn Dáýletkerei Kápulynyń bastamasymen «Aqshamdaǵy aqyndar jyry» atty shyǵarmashylyq kesh, ónertanýshy, sýretshi E.N. Chernovanyń «Qazaqstannyń qoldanbaly sándik óneri: Keshe jáne búgin» atty sheberlik dárisi, «Qusni qorlan» kórinisi, músinshi Aidos Esmaǵanbetpen maskalar shoýy, art pazl qurastyrý, qolóner jumystary boiynsha sheberlik sabaqtar, «Tarih syry», «Mýzei bilgiri» viktorinalyq suraqtar, kitap jármeńkesi uiymdastyrylyp, «Toǵyzqumalaq», «Asyq atý», t.b. qazaqtyń ulttyq oiyndary oinatylady.
