QR Ulttyq mýzeiinde «Qazaq ulttyq mýzyka óneri» aýdioarhiviniń tusaýkeser rásimi ótti.
Elbasymyzdyń bastamasymen Máńgilik El bolýǵa baǵyt alǵan halqymyzdyń turmys tirshiligin beineleitin, ómir saltyn sýretteitin jalpy tarihymyzdyń ajyramas bir bóligi, ol – ulttyq mýzykamyz. Tabiǵatymyzdyń syryn shertken ónerimizdiń mańyzdylyǵyn bolashaq jastarǵa baǵdar bolatyndai, esti án estip, durys baǵyt alýyna yńǵai jasaý bizdiń mindetimiz.
Qazaq mýzykasy – tarihymyzdyń ajyramas bóligi bolǵandyqtan, ony bolashaq óner súier jastarǵa óz qalpynda jetkizý úshin, ornyǵyp saqtalatyn oryndary da mańyzdy nysana bolyp sanalady. Eskiden búginge jetken taspalardyń da kútimi erekshe. Ótken ǵasyrda taspaǵa túsken daýystardy, sandyq júiede jańǵyrtý da jiti nazarda.
L. Kochetov, Qazaqstan Respýblikasy ulttyq Mýzeii direktorynyń mindetin atqarýshy: «Táýelsiz elimizdiń tarihynda buryn-sońdy bolmaǵan jobalardyń myńdap ómirge joldama alǵany aqiqat. Sonyń ishinde shoqtyǵy biigi memleket basshysy Nursultan Ábishuly Nazarbaevtyń «Bolashaqqa baǵdar: Rýhani jańǵyrý» baǵdarlamalyq maqalasynan keiin tyń serpin aldy. Búgin sondai sony bastamaǵa kýá bolǵaly turmyz. Ol – zamanaýi formattaǵy án-kúi jinaǵyn Ulttyq mýzeide jasaqtaý isi. Ótken ǵasyrdyń alǵashqy jiyrma jylynda Zataevich bastaǵan óner zertteýshileri qazaq dalasyna kelip, halqymyzdyń án-kúiin hatqa túsire bastady. Olardy oryndaýshylar týraly qysqa da bolsa málimetter qaǵaz betinde paida bolyp, ǵylymi ainalymǵa shyqty. Sodan beri bul úrdis bir sátke de úzilgen emes. Buǵan tele-radiokompaniialar, kontserttik mekemeler úlken úles qosyp keledi.
Ásirese, Qazaqstan Respýblikasy Mádeniet jáne sport ministrligi josparly da júieli jumys jasap otyr. Biraq, ómir óz talabyn alǵa shyǵaryp otyrady. Biz kóneden búginge jetken aýdiotaspalardy, birinshi kezekte, óz qalpynda saqtap, ekinshiden, ónersúier jastardyń kúndelikti kádesine jaratý, ǵylymi ainalymǵa shyǵarýdy aldymyzǵa maqsat etip qoiyp otyrmyz» - dedi.
Qazaqstan Respýblikasynyń eńbek sińirgen qairatkeri, ánshi, kompozitor Jeńis Seidollauly: «Ataǵym dardai bolyp esepteletin meniń de mýzykalyq muralarǵa qol jetkizýde úlken qiyndyqtarǵa dýshar bolatynym bar. Artymnan erip kele jatqan aýyl jastary úshin sóz múldem bólek. Sondyqtan, mundai igi bastama kóptegen talantty jastardyń izdenýine jol ashady. Muqaǵali aqynnan qalǵan mynadai sóz bar: «Shań basqan arhivterden tabylarmyz». Ol zamanda, shyn máninde, solai bolatyn. Men bul izgilikti jobanyń ǵumyrly bolaryna senemin» - dep óz pikirin bildirdi.
Iske qosylyp jatqan aýdioarhivten kóneden jetken kúiler men áýezdi ánderdi alǵashqy oryndaýshylardyń nusqasynda tyńdaýǵa bolady. Sondai-aq, bolashaqta el arasynda halyqtyń yqylasyna bólenip júrgen ónerpazdardy shaqyryp, buryn-sońdy taspaǵa túspegen shyǵarmalaryn jazyp alyp, óńdep, keiin jurtshylyq nazaryna usyný josparlanǵan. Mýzeide ótkiziletin osyndai árbir mádeni shara sońynda óner adamdary ózderiniń týyndylaryn qalaǵan nusqasynda ótkizip kete alady. Iaǵni, qor udaiy tolyǵyp otyrady.
