Foto: Aqorda
Ulttyq quryltai quramynda rotatsiia jasaldy, - dep habarlaidy "Ult aqparat" Aqordanyń baspasóz qyzmetine silteme jasap.
"Ulttyq quryltaidyń jumysyna jurtshylyqtyń jańa ókilderi – QR Bala quqyqtary jónindegi ýákil Dinara Zákieva, «Qazaqstan kárister qaýymdastyǵy» ZTB tóraǵasy Iýrii Shin, Qazaqstannyń Eńbek Eri, Semei qalasyndaǵy № 7 mektep-litseiiniń muǵalimi Alma Shuqyjanova, QR Parlament Májilisiniń depýtattary Nurlan Áýesbaev, Nikita Shatalov, Zhubanov university basqarma-tóraǵasy, rektor Laýra Qarabasova, para jeńil atletika boiynsha sportshy Aisulý Súleimenova, dúngen etnosynyń kóshbasshysy Lýgmar Býlarov, «Azattyq rýhy» aqparattyq agenttiginiń telejúrgizýshisi, jýrnalist Kristina Grinko tartyldy" - delingen habarlamada.
Budan bólek quramǵa birneshe aimaqtan qoǵamdyq keńes músheleri kirgen.
"Ulttyq quryltai quramynan B. Álteev, A. Tolamysov, G. Qanai, S. Ogai, J. Dairabaev, Q. Maigeldinov, B. Ýáli, A. Timoshenko-Borovikova, S. Sarybai, D. Turlyhanov, A. Lodochnikov, S. Quranbek, E. Sýlarov shyǵaryldy.
Qazirgi ýaqytta Memleket basshysynyń «Egemen Qazaqstan» gazetine bergen suhbatynda habarlanǵandai kóktemde ótetin Ulttyq quryltaidyń úshinshi otyrysyna daiyndyq jumystary júrgizilip jatyr" - delingen Aqorda usynǵan málimette.
