Búgin V Dúniejúzilik kóshpendiler oiyndarynyń sońǵy jarys kúni. Ulttyq qurama sportshylarynyń 13 qyrkúiekke arnalǵan jarys kestesi belgili boldy, dep habarlaidy "Ult Aqparat".
• Búgin báigeden júldeler sarapqa salynady: Ushqyr báige (1600 metr, 2400 metr, 3200 metr), Jorǵa (9 km), Qunan báige (11 km), Top báige (18 km), Alaman báige (25 km). Jarys «Qazanat» ippodromynda saǵat 9.00-de bastalady.
• Al ippodrom mańyndaǵy etnoaýylda saǵat 10.00-de teńge ilýden jeti qut saiysynan Baqyt Tóltai óner kórsetedi.
• Etnoaýylda saǵat 10.00-de qusbegilik jarysy bastalady. Qazaqstandyq qusbegiler búrkit salýdan júldege talasady.
• «Alaý» muz saraiynda saǵat 10.00-de qyrǵyz halqynyń ulttyq oiyny ordodan finaldyq bólim bastalady. Qazaqstan quramasy altyn júlde úshin kúresedi.
• «Dýman» qonaq úi jáne sport kesheninde saǵat 10.00-de túrik halqynyń ziiatkerlik oĭyny mangaladan saiys bastalady. Mangaladan ulttyq qurama sapynda Aikerim Qýanyshbekova, Qundyz Esirkep, Azamat Qaidarov jáne Biǵali Zkiriaev synǵa túsedi.
