Premer-Ministrdiń birinshi orynbasary Álihan Smaiylov Májilis depýttarynyń Ulttyq qor óarajaty týraly saýalyna jaýap berdi, dep habarlaidy "Ult aqparat".
«Sizderdiń Qazaqstan Respýblikasy Ulttyq qorynyń qarajatyn paidalaný jónindegi depýtattyq saýaldaryńyzdy qarap, mynany habarlaimyn. Biýdjettiń aǵymdaǵy shyǵystaryna Ulttyq qordyń qarajatyn sheksiz alýdy toqtatýǵa jáne biýdjetke jyl saiynǵy kepildendirilgen transfertterden bas tartýǵa qatysty Biýdjet zańnamasyna sáikes transfertter biýdjettiń kiris babynyń ajyramas bóligi bolyp tabylady. Eldegi jáne álemdegi qalyptasqan makroekonomikalyq jaǵdaidy eskere otyryp, biýdjetke jyl saiynǵy transfertterden bas tartý biýdjettiń aitarlyqtai tapshylyǵyna alyp kelýi múmkin», - dep jazylǵan jaýapta.
Sondai-aq, Úkimet basshysynyń birinshi orynbasary Ulttyq qordyń kepildendirilgen transfertteri turaqtandyrý fýnktsiiasyn júzege asyrý úshin qajet ekenin eske salady.
«Ulttyq qordyń jinaqtaý fýnktsiiasyn oryndaý maqsatynda Memleket basshysynyń 2020 jylǵy 22 jeltoqsandaǵy № 474 Jarlyǵymen Ulttyq qordyń qarajatyn qalyptastyrý jáne paidalaný tujyrymdamasyna kontrtsikldik biýdjet qaǵidasy bóliginde ózgerister engizildi. Máselen, Ulttyq qordan kepildendirilgen transfert boiynsha biýdjet qaǵidasy infliatsiia boiynsha uzaq merzimdi maqsatqa ulǵaitylǵan nysanaly uzaq merzimdi ekonomikalyq ósý deńgeiinde memlekettik shyǵystardyń ósý qarqynyna tikelei shekteý belgileitin kontrtsikldik tetikpen kúsheitildi. Kepildendirilgen transfert tiisti josparly kezeńge arnalǵan kepildendirilgen transfert týraly Qazaqstan Respýblikasynyń Zańynda 2 aiqyndalatyn kesimdi baǵa kezinde munai sektorynan Ulttyq qorǵa túsetin túsimder mólsherinen aspaityn mólsherde aiqyndalatyn bolady», - dep jazady Álihan Smaiylov.
