Mikroqarjy uiymdarynyń múmkindikterin keńeitýge qajetti sheshimder toptamasy daiyndalady. Bul týraly Úkimet otyrysynda Ulttyq bank tóraǵasy Erbolat Dosaev málim etti, dep habarlaidy QazAqparat.
«Memleket basshysy Joldaýda qarjylyq turaqtylyq qorynyń sheksiz emes ekenin de atap ótti. Búgingi kúni biýdjet tapshylyǵyn jáne Ulttyq qordan beriletin transfertterdi arttyrý esebinen ósýi tolyqtyrylyp otyratyn memlekettik shyǵystardyń aitarlyqtai ulǵaiýy proinfliatsiialyq qysymnyń qosymsha kózi bolyp sanalady. Osyǵan bailanysty, Qazaqstan Respýblikasy Prezidentiniń tapsyrmasyna sáikes, Ulttyq qordan beriletin transfertterdiń kólemin jáne memlekettik shyǵystardyń ósý qarqynyn shekteitin kontrtsikldyq biýdjettik qaǵida engiziletin bolady. Bul úshin Úkimet Ulttyq bankpen birlesip Biýdjet kodeksine engiziletin túzetýlerdi ázirleidi jáne tiisti tásilder Memlekettik qarjyny basqarý tujyrymdamasynda bekitiledi», - dedi Dosaev.
Sonymen qatar ol Memleket basshysynyń tapsyrmasy boiynsha biylǵy qyrkúiekte «Qarapaiym zattar ekonomikasy» baǵdarlamasy 2022 jyldyń sońyna deiin uzartylatynyn aitty.
«Kásipkerlikti, ásirese aýyldaǵy kásipkerlikti kreditteýdi odan ári damytý úshin Qarjy naryǵyn retteý jáne damytý agenttigimen birlesip, aǵymdaǵy jyldyń sońyna deiin mikroqarjy uiymdarynyń múmkindikterin keńeitýge qajetti sheshimder toptamasy daiyndalatyn bolady», - dedi UB basshysy.
