Ulttyq qorǵa 450 mlrd teńge túsim tústi. Bul týraly QR Ulttyq bankiniń tóraǵasy Erbolat Dosaev aityp berdi, dep habarlaidy "Ult aqparat".
«Ulttyq qor aktivteri biylǵy mamyrdyń sońynda bir aida 827 mln AQSh dollaryna ulǵaiyp, 58,5 mlrd AQSh dollaryn qurady. Biylǵy mamyrda 251 mlrd teńgege nysanaly jáne kepildendirilgen transfertter bólýdi qamtamasyz etý úshin 553 mln AQSh dollary satyldy. Ulttyq qorǵa túsimder 450 mlrd teńge, onyń ishinde shetel valiýtasynda – 720 mln AQSh dollary nemese 308 mlrd teńge boldy», - dedi Erbolat Dosaev Úkimet otyrysynda.
Spikerdiń aitýynsha, Ulttyq qordyń investitsiialyq kirisi biylǵy mamyrda 661 mln AQSh dollary nemese 1,15% bolǵan.
«Jyl basynan beri Ulttyq qordyń investitsiialyq kirisi negizinen aktsiialar naryǵyndaǵy ósýdiń jalǵasýyna jáne obligatsiialar naryǵyndaǵy qalpyna kelýge jáne biylǵy sáýir-mamyrdaǵy altyn baǵasynyń ósýine bailanysty 1,64 mlrd AQSh dollaryn nemese 2,84%-ti qurady», - dep túsindirdi Ulttyq bank tóraǵasy.
