QR Premer-Ministriniń birinshi orynbasary Álihan Smaiylov Úkimet úiinde ótken brifingide Ulttyq qordan alynatyn tarnsfert kólemin shekteitin normanyń qashan qabyldanatynyn aitty, dep habarlaidy QazAqparat.
«Memleket basshysynyń tapsyrmasy memleket qarjysyn basqarý tártibin bir qujatqa shoǵyrlandyrýǵa baǵyttalǵan. Bir jaǵynan borysh jaǵy, basqa da baǵyty qaýipsiz deńgeide bolǵany kerek. Ekinshi jaǵynan biýdjet tártibin kóterý kerek. Naqty aitsaq, Ulttyq qordan alynatyn transfertterdi azaitý qajet. Ony saqtap, kólemin ulǵaitý úshin kerek bul. Biýdjet tapshylyǵy men borysh mólsherin de tómendetý kerek. Biýdjet qarajatyn igerý men josparlaýdyń tiimdiligin arttyrý qajet. Osy máselelerdiń bári memleket qararajatyn basqarý jónindegi tujyrymdamada kórinis tabady», - dedi Premer-Ministrdiń birinshi orynbasary.
Onyń aitýyna qaraǵanda, bul jumysty Ulttyq ekonomika ministrligi úilestirýi kerek.
«Tujyrymdama jobasy qazirdiń ózinde daiyndalyp, qajetti esepteri júrgizilip jatyr. Bul jumystyń bári jyl sońyna deiin aiaqtalady. Jalpy alǵanda, tujyrymdama 2030 jylǵa deiin arnalǵan. Ulttyq qor qarajatyn qoldanýdy shekteý baǵytynda biýdjet erejelerin jedeldetý boiynsha aitsaq, ondai norma daiyndalyp qoidy. Qazir Parlamenttiń qaraýynda jatyr. Biýdjet kodeksi jyl sońyna deiin qabyldanady dep úmittenemiz. Ol norma Ulttyq qordan transfert tartý kólemin qorǵa túsetin boljamdy kiris kóleminen arttyrmai shekteidi», - dedi Álihan Smaiylov.
