Búgin Úkimet otyrysynda biylǵy jeti aidaǵy áleýmettik-ekonomikalyq damýdy talqylaý kezinde Ulttyq bank tóraǵasy Erbolat Dosaev Ulttyq qor aktivteri týraly aityp berdi, dep habarlaidy "Ult aqparat".
«Ulttyq qordyń aktivteri bir aida 450 mln AQSh dollarǵa azaiyp, biylǵy jylǵy shildeniń sońynda 56,9 mlrd AQSh dollaryn qurady. Biylǵy shildede 477 mlrd teńgege transfertter bólýdi qamtamasyz etý úshin 1,11 mlrd AQSh dollaryna valiýtalyq aktivter satyldy. Osy jylǵy shildede Ulttyq qorǵa kelip túsken túsimder 40 mlrd teńge, onyń ishinde shetel valiýtasynda 65 mln AQSh dollary boldy», - dedi Dosaev.
Onyń aitýynsha, biylǵy shildede Ulttyq qordyń investitsiialyq kirisi oń qalyptasty jáne 590 mln AQSh dollary boldy.
«Qarjy naryqtaryndaǵy qubylmalylyqqa qaramastan, Ulttyq qordyń investitsiialyq kirisi respýblikalyq biýdjetke transfertterdiń úshten birin ótep, ótken jyldyń uqsas kezeńindegi 1,3 mlrd AQSh dollarymen salystyrǵanda osy jyldyń basynan beri 2 mlrd AQSh dollary nemese 3,5% boldy», - dedi UB basshysy.
