Ulttyq kompaniialar taza kiristerinen 100 paiyzǵa deiin memleketke divident tóleýi tiis. Bul týraly Aqordada Tótenshe jaǵdai jónindegi memlekettik komissiianyń otyrysyn ótkizgen QR Prezidenti Qasym-Jomart Toqaev aitty, dep habarlaidy "Ult aqparat".
«Qazirgi sátte teńgeniń aiyrbas baǵamyn turaqtandyrýǵa qol jetkizý mańyzdy. Osy maqsatta Ulttyq bankke, Úkimetke jáne kvazimemlekettik kompaniialardyń basshylaryna kvazimemlekettik sektor sýbektileriniń eksporttyq túsimderiniń bir bóligin eldiń valiýta naryǵynda mindetti túrde satýyn qamtamasyz etýdi tapsyramyn», - dedi Memleket basshysy.
Sonymen qatar, Qasym-Jomart Toqaev mindettemelerge bailanysty kvazimemlekettik kompaniialardyń valiýtalyq depozitterin Qazaqstannyń qarjy júiesine kezeń-kezeńimen qaitarýdyń jospar-kestesin túzýdi tapsyrdy.
«Ulttyq kompaniialar ótken jyl úshin taza kiristerinen 100 paiyzǵa deiin mólsherde memleketke divident tóleýdi júrgizýi tiis dep sanaimyn», - dedi QR Prezidenti.
