Nur-Sultan qalasynda QR Prezidenti Ákimshiliginiń basshysy, Keńes tóraǵasynyń orynbasary Qyrymbek Kósherbaevtyń basshylyǵymen QR Prezidentiniń janyndaǵy Ulttyq qoǵamdyq senim keńesiniń birinshi otyrysyna daiyndyq jónindegi uiymdastyrý kezdesýi boldy. Bul týraly "Ult aqparat" Aqparat jáne qoǵamdyq damý ministrligine silteme jasap habarlaidy.
Kezdesý jumysyna Ulttyq keńestiń músheleri qatysty.
Onyń aiasynda Ulttyq keńes qyzmetiniń baǵyttary men tetikteri, Ulttyq keńestiń birinshi otyrysyn ótkizýge daiyndyq máseleleri talqylanyp, jumys toptary quryldy.
Qazaqstan Respýblikasy Prezidentiniń 2019 jylǵy 17 shildedegi №63 Jarlyǵymen bekitilgen Qazaqstan Respýblikasy Prezidentiniń janyndaǵy Ulttyq qoǵamdyq senim keńesi týraly Erejege sáikes, Ulttyq keńes múshelerine kýálikter tapsyryldy.
QR Prezidentiniń janyndaǵy Ulttyq qoǵamdyq senim keńesiniń Birinshi otyrysyn 2019 jylǵy 6 qyrkúiekte Nur-Sultan qalasynda ótkizý josparlandy.
