QR Aqparat jáne qoǵamdyq damý ministri Dáýren Abaev «Habar» arnasynyń «Ashyq dialog» baǵdarlamasynda QR Prezidenti janyndaǵy Ulttyq qoǵamdyq senim keńesiniń alǵashqy otyrysyna jarty jyl ótpei jatyp ne sebepti onyń quramynyń ózgerip jatqanyn aitty, dep habarlaidy QazAqparat tilshisi.
Dáýren Abaev Ulttyq qoǵamdyq senim keńesi quramynan 6 adam ne sebepti shyǵarylǵany týraly pikir bildirdi.
«Men muny aitarlyqtai mańyzdy ózgerister dep aita almaimyn. Ulttyq keńestegi 44 adamnyń altaýy ǵana aýysty. Bul qarapaiym jumys protsesi. Ulttyq qoǵamdyq senim keńesi - negizgi jumyspen qatar júretin qoǵamdyq júkteme ekenin túsiný kerekpiz», - deidi Dáýren Abaev.
Ministr keńes múshelerine osy qyzmet úshin jalaqy tólenbeitinin aitty.
«Bul qyzmet úshin jalaqy tólenbeidi. Bul jerge tek óz erikterimen keledi. Sondyqtan ony negizgi jumyspen úilestirý fizikalyq turǵyda da óte qiyn», - deidi ol.
