QR Ulttyq kitaphanasynyń qory túrik aqyn-jazýshylarynyń eńbegimen tolyqty, dep habarlaidy "Ult aqparat".
«ILESAM» túrik ǵylymi jáne ádebi shyǵarmalar avtorlarynyń kásibi uiymy QR Ulttyq kitaphanasyna túrik tilindegi 5 myń kitapty syiǵa tartty. Uiymynyń bas direktory Mehmet Nýri Parmaksyz kórkem ádebiet, proza, poeziia, balalar ádebieti, anyqtamalyq basylymdar, sózdikter, entsiklopediialar, sondai-aq meditsinalyq, áleýmettik mańyzy bar ǵylymi-tanymal jýrnaldardy tartý etti.
«Bizdiń eldiń ádebi týyndylaryn sizderge úlken qýanyshpen syiǵa tartqymyz keledi. Kitap – bul baǵa jetpes qundy dúnie. Qazaqstan men Túrkiia baýyrlas memleket. Bizdiń ádebietimiz, mádenietimiz óte uqsas. Biz rýhani jaǵynan da jaqynbyz. Bul kitaptar bolashaq úshin qajet. Keiingi urpaq tarihty tek kitaptan biledi. Olai bolsa, bul qundy dúnieni tek kitaphanalar ǵana jaqsy saqtai alady. Sondyqtan Túrkiia eli kitapty syiǵa tartý jobasyn ázirledi. Osydan eki kún buryn Nur-Sultan qalasyndaǵy kitaphanaǵa bes myń dana kitap syiladyq. Búgin Almatydaǵy Ulttyq kitaphanaǵa da 5000 kitap ákelip otyrmyz. Bul úrdis áli de jalǵasady», - deidi ILESAM» uiymynyń bas direktory Mehmet Nýri Parmaksyz.
Óz kezeginde Ulttyq kitaphana direktory Baqytjamal Ospanova búgingi tańda túrik ádebieti sektsiiasynda kitaptar mol ekenin aitty.
«Bizdiń kitaphanada alty memlekettiń kitap buryshy bar. Biraq túrik ádebieti sektsiiasynda kitaptar alýan túrli ári basqalarǵa qaraǵanda kóbirek. Jalpy kitaphana qory – 7 mln», - dedi QR Ulttyq kitaphanasynyń direktory Baqytjamal Ospanova.
«ILESAM» túrik ǵylymi jáne ádebi shyǵarmalar avtorlarynyń kásibi uiymy 1986 jyly qurylǵan. Negizgi qyzmeti - ǵylym jáne ádebi shyǵarmalar avtorlarynyń, sondai-aq olardyń muragerleriniń múliktik jáne múliktik emes quqyqtaryn qorǵaý. Túrkiiada ár týyndynyń avtory osy birlestiktiń múshesi. ILESAM – ǵylym men ádebiet salasyndaǵy eń iri uiym (3 myńǵa jýyq múshe), onyń músheleri - jazýshylar, aqyndar jáne shet elderdiń shyǵarmashylyq ziialylarynyń kóptegen ókilderi. ILESAM-nyń qyzmeti jyl saiyn halyqaralyq ádebi bailanystardy damytý baǵytyn ustana otyryp, kóptegen aimaqtar men adamdardy qamtýda.
