Foto: QR MAM
Almatyda 9-12 maýsym aralyǵynda kinojobalardy ashyq qorǵaý ótip jatyr. Pitchingke Ulttyq kinony qoldaý memlekettik ortalyǵynyń eki kezeń boiynsha irikteýinen sátti ótken 99 joba qatysýda. Barlyq protsess Kino ortalyǵynyń resmi YouTube arnasynda tikelei efirde kórsetilip jatyr, dep habarlaidy Ult.kz.
Ulttyq kinony qoldaý memlekettik ortalyǵynyń Basqarma tóraǵasy Qurmanbek Jumaǵalidiń aitýynsha, memleket qarjysyna túsiriletin filmderdiń mazmuny men sapasy joǵary deńgeide bolýy tiis.
Esterińizge sala keteiik, konkýrsqa ótinim qabyldaý 13 naýryzda aiaqtaldy. Biyl kórkem, derekti jáne animatsiialyq film sektsiialarynda barlyǵy 444 ótinim kelip tústi. Onyń ishinde 357 joba Saraptama keńesiniń qaraýyna jiberildi. Baǵalaý nátijesinde 128 stsenarii men stsenarii jospary ekinshi kezeńge ótti.
Qujattardyń tolyq paketin tapsyrǵan soń 99 joba pitchingke joldama aldy.
Saraptama keńesi jobalardy baǵalaý barysynda birqatar negizgi kriteriilerge nazar aýdardy. Atap aitsaq, bekitilgen basym taqyryptarǵa sai bolý, stsenaridiń tujyrymdamalyq deńgeii, siýjet dinamikasy men dramatýrgiialyq qurylymy, tehnikalyq mazmuny jáne keiipkerler beinesiniń tereń ashylýy eskeriletin bolady.
Saraptama keńesi iriktegen jobalarǵa memlekettik qarjylai qoldaý kórsetiledi jáne týyndy ulttyq film mártebesine ie bolady.
