Búgingi tańda jer máselesi, jerdi sheteldikterge satý máselesi jáne jer qatynastary máselesi kezek kúttirmeitin negizgi máselelerdiń biri ekeni sózsiz. Esterińizde bolsa, jurtshylyqtyń, saiasi partiialardyń, azamattyq qoǵamnyń ókilderimen keńinen talqylaý negizinde memlekettik saiasattyń ózekti máseleleri boiynsha usynystar men usynymdar tujyrymdaý maqsatynda Ulttyq keńes qurylǵan bolatyn. Osy oraida QR Prezidenti Qasym-Jomart Toqaev sheteldikterge jerdi satýǵa, jaldaýǵa birjola tyiym salýdy kózdeitin zań jobasyn Parlamentke jiberdi, - dep habarlaidy «Ult aqparat».
Bul týraly Prezident Qasym-Jomart Toqaevtyń ózi Twitter paraqshasynda jazdy. Ol jazbasynda bylai delingen:
«Búgin men ózimniń Prezident retinde zań shyǵarýǵa bastamashylyq etý quqyǵymdy paidalanyp, jerdi sheteldikterge satýǵa jáne jalǵa berýge birjola tyiym salýdy kózdeitin zań jobasyn Májiliske joldadym. Parlament ony belgilengen reglamentke sáikes qarastyryp, tiisti sheshim qabyldaidy», - dep jazdy Memleket basshysy.
Osy oraida Ulttyq keńestiń kún tártibinde basty orynda turǵan jer qatynastary máselesi ózekti ekenin atap ótken jón. Bul týrady QR Prezidentiniń kómekshisi Erlan Qarin Telegram paraqshasynda Jer qatynastary máselesi Ulttyq qoǵamdyq senim keńesiniń kún tártibinde ekenin ashyq jazdy.
«2021 jyly 25 aqpanda Ulttyq qoǵamdyq senim keńesinniń besinshi otyrysynda Memleket basshysy aýylsharýashylyq maqsatyndaǵy jerlerdi sheteldikterge jáne sheteldik zańdy tulǵalarǵa satýǵa jáne jalǵa berýge tyiym salýdy zańmen bekitýdi tapsyrdy. Sonymen birge, Qasym-Jomart Toqaev Prezidenttiń zańnamalyq bastamasy aiasynda zań jobasyn daiyndaý qajettiligine nazar aýdardy. Ulttyq keńes otyrysynan keiin Prezident Ákimshiligi birden tiisti jumystardy bastady. Zań jobasy tezirek daiyndalyp, maquldandy», - dep jazdy Erlan Qarin.
Osy oraida aita keteiik, Jer qatynastary máseleleri Ulttyq keńestiń alǵashqy jumys kúninen bastap kún tártibindegi basty orynnyń birin ielen. Sondyqtan, Prezidenttiń aýylsharýashylyq jerlerin sheteldikterge satýǵa jáne jalǵa berýge tyiym salý týraly sheshimi UQSK alańynda jariialandy. Sonymen qatar, Qazaqstan Respýblikasy Konstitýtsiiasynyń 61-babynyń 1-tarmaǵyna sáikes Memleket basshysy Qazaqstan Respýblikasy Parlamenti Májilisine jerdi sheteldikterge satýǵa jáne jalǵa berýge tyiym salýdy qarastyratyn «Qazaqstan Respýblikasynyń keibir zańnamalyq aktilerine jer qatynastary máseleleri boiynsha ózgerister men tolyqtyrýlar engizý týraly» Qazaqstan Respýblikasy zańynyń jobasyn joldaǵanyn aitty.
Osy oraida aita keteiik, Qazaqstan prezdidenti janynan qurylǵan Ulttyq qoǵamdyq senim keńesinde jer máselesi únemi qaralyp, talqynalyp otyrady. Onyń ishinde aýyl sharýashylyǵy jerlerin satý jáne jalǵa berý moratoriii men Aýyl sharýashylyǵy ministrliginiń alańynda zań jobasynyń tujyrymdamasy tanystyrylǵan bolatyn. Al jerdi sheteldikterge satpaý jóninde Ulttyq keńestiń aldyńǵy otyrystarynyń birinde Prezidenttiń ózi naqty sheshim qabyldaǵan edi.
Dál osyndai máselelerdi kóterip, Aqordaǵa usynyp otyrǵan Ulttyq qoǵamdyq senim keńesi erejesi men quramyn memleket basshysy Qasym-Jomart Toqaev 17 shildede bekitken bolatyn.
Aita keteiik, Ulttyq keńestiń negizgi maqsaty – jurtshylyqtyń, saiasi partiialardyń, azamattyq qoǵamnyń ókilderimen keńinen talqylaý negizinde memlekettik saiasattyń ózekti máseleleri boiynsha usynystar men usynymdar tujyrymdaý.
Esterińizge sala keteiik, QR Prezidenti Qasym-Jomart Toqaev sheteldikterge jerdi satýǵa, jaldaýǵa birjola tyiym salýdy kózdeitin zań jobasyn Parlamentke jiberdi. Al QR Prezidentiniń kómekshisi Erlan Qarin Ulttyq keńestiń kún tártibinde basty orynda turǵan jer qatynastary máselesi ózekti ekenin atap ótti.
