Aqordada Prezident Ákimshiligi jetekshisiniń orynbasary Timýr Súleimenovtiń tóraǵalyǵymen Ulttyq keńestiń jumys toby músheleriniń ekonomikalyq máseleler boiynsha kezekti otyrysy ótti, dep habarlaidy "Ult aqparat" QR Prezidentiniń keńesshisi Erlan Qarinǵa silteme jasap.
«Kún tártibinde shaǵyn jáne orta biznes, jer reformasy jáne kvazimemlekettik sektordy jetildirý máseleleri qaraldy. Otyrysqa Qarjy, ulttyq ekonomika, aýyl sharýashylyǵy ministrlikteri jáne «Samuryq-Qazyna» ulttyq ál-aýqat qory, «Báiterek» jáne «QazAgro» ulttyq kompaniialary, sondai-aq «Atameken» UKP ókilderi qatysty», dep jazdy Erlan Qarin Telegram-daǵy paraqshasynda.
«Úkimet úiinde» vitse-premer Berdibek Saparbaev Ulttyq keńestiń jumys toby músheleriniń áleýmettik-mádeni máseleler boiynsha usynystaryn qarastyrdy. Adami kapital, bilim berý, densaýlyq saqtaý jáne mádenietti damytý máseleleri talqylandy.
Osyndai kezdesýlerdiń arqasynda qoǵam men memlekettik organdar damytýdyń ózekti máseleleri boiynsha pikir almasady jáne ustanym jaqyndastyǵyn qalyptastyrady. Kóptegen másele boiynsha biryńǵai túsinik qalyptastyrylady.
