Foto: QR UQK
Ulttyq qaýipsizdik komiteti jyl basynan beri anyqtalǵan zańsyz ainalymdaǵy qarýlar týraly derekterdi usyndy, - dep habarlaidy "Ult aqparat" vedomstvonyń baspasóz qyzmetine silteme jasap.
"2023 jyldyń qańtary men sáýiri aralyǵynda UQK politsiia organdarymen birlesip, prokýratýranyń úilestirýimen zańsyz qarý ainalymyndaǵy qarýdy izdestirý jáne tárkileý boiynsha, onyń ishinde «qańtar oqiǵalary» kezinde urlanǵan qarýǵa qatysty birqatar jedel-izdestirý is-sharasyn júrgizdi.
Nátijesinde Qazaqstannyń 11 aimaǵynda 268 birlik qarý, onyń ishinde 38 «Kalashnikov» avtomaty, 126 myltyq, 104 tapansha, 21 granata, 4 jarylǵysh qurylǵy, túrli kalibrli 30199 oq-dáriler, sonymen qatar brondy keýdeshe, qorǵanysh dýlyǵasy, qol-kisender, avtomat oqjatarlary, qalqandar men radiostantsiialar tárkilendi.
Jedel qyzmetkerler jasyrylǵan qarý men oq-dárilerdiń negizgi bóligin kelesi jerlerden anyqtady: Almatyda – 4, Baiqońyrda – 1, Qostanaida – 1, Semeide – 1, Óskemende – 1, Aqtóbede – 1, Almaty oblysynda – 3, Jambyl oblysynda – 4, Jetisý oblysynda – 2, Pavlodar oblysynda – 1, Soltústik Qazaqstan oblysynda – 3" - delingen habarlamada.
Sonymen qatar, Almatyda iri kólemde zańsyz qarý-jaraq ainalymymen ainalysqan qylmystyq top áreketiniń joly kesildi.
Atalǵan fakt boiynsha sotqa deiingi tergeý júrgizilýde. Zańsyz ainalymdaǵy qarýdy izdeý men tárkileý jalǵasyp jatyr.
