QR Ulttyq ǵylym akademiiasy qyzmetin qarjylandyrýǵa 500 mln teńge bólindi. Bul jaiynda Májilis depýtattarynyń saýalyna QR Oqý-aǵartý ministri Ashat Aimaǵambetovtiń jaýabynda aitylǵan, dep habarlaidy QazAqparat.
«Memleket basshysynyń jarǵylyq kapitalyna memleket júz paiyz qatysatyn «QR UǴA» kommertsiialyq emes aktsionerlik qoǵamyn qurý týraly tapsyrmasyn oryndaý maqsatynda QR UǴA-ny qaita uiymdastyrý boiynsha jumystar júrgizilip jatqanyn habarlaimyz. 2022 jylǵy 30 maýsymda «Ǵylym týraly» QR Zańyna QR UǴA qyzmetine qatysty ózgerister engizildi», - dep atap ótedi Ashat Aimaǵambetov jaýabynda.
Onyń dereginshe, QR Qarjy ministrligi QR UǴA qyzmetin qarjylandyrýǵa 511 311 myń teńge bólgen.
«Sondai-aq, ministrlik QR UǴA jarǵysynyń jobasyn ázirledi jáne qyzmet túrlerin QR Básekelestikti qorǵaý jáne damytý agenttigimen kelisti. 2022 jylǵy 1 shildede Qazaqstan Respýblikasynyń Ǵylym jáne joǵary bilim ministri S.Nurbek Almaty qalasynda QR UǴA Prezidiýmymen, ministrliktiń Ǵylym komitetiniń ǵylymi uiymdarynyń basshylarymen jumys kezdesýin ótkizdi. Jumys kezdesýiniń nátijeleri boiynsha ministrliktiń buiryǵymen QR UǴA mártebesin ózgertý boiynsha negizgi normativtik-quqyqtyq qujattardy ázirleýmen ainalysatyn QR UǴA-men birlesken jumys jáne saraptama toptary quryldy. QR UǴA-ny qaita qurý jumysy jalǵasýda», - dedi ministr.
