Ulttyq ekonomika ministri Rýslan Dálenov biylǵy qańtar-qarashadaǵy Qazaqstannyń áleýmettik-ekonomikalyq damý qorytyndysyn baiandady, dep habarlaidy QazAqparat.
«Qarashanyń qorytyndysy boiynsha ekonomikalyq serpin qazan aiyna qaraǵanda neǵurlym joǵary. Oń trend baiqalady. Esepti kezeńde Qazaqstan ekonomikasynda kelesi úrdister baiqalyp otyr. Qurylys jáne óńdeý ónerkásibi salalary serpindi ósýdi kórsetti. Qyzmet kórsetý sektorynda iskerlik belsendilik jaqsarýda, sondai-aq uzaq paidalanylatyn taýarlarǵa suranys qalpyna kele bastady», - dedi R. Dálenov Úkimet otyrysynda.
Ministrdiń aitýynsha, naqty sektordyń ósýi 2%-ke deiin jedeldedi. Qyzmet kórsetý salasynyń ósý qarqyny minýs 5,9%-ke deiin jaqsardy. Nátijesinde, jalpy ishki ónimniń ósýi minýs 2,8% deńgeiinde qalyptasty. Jyldyq infliatsiia 7,3%-ti qurady.
«Ken óndirý ónerkásibin esepke almaǵanda, investitsiialar 17,3%-ke ósti. Investitsiialardyń eleýli kólemi turǵyn úi qurylysyna, kólik, óńdeý ónerkásibi, onyń ishinde azyq-túlik ónimderi, aýyl sharýashylyǵy salalaryna tartyldy. Ekonomikany kreditteý jyl basymen salystyrǵanda 4,2%-ke ulǵaidy. Kreditterdiń eń joǵary ósýi bailanys, qurylys, aýyl sharýashylyǵy jáne ónerkásip salalarynda baiqalady. Shaǵyn kásipkerlik sýbektilerin kreditteý 8,9%-ke ulǵaidy», - dedi Ulttyq ekonomika ministri.
