QR Ulttyq ekonomika ministri Timýr Súleimenov Qazaqstan kásipkerlerin áleýmettik jaýapkerkeshilik tanytyp, eńbekaqy óskennen keiin taýar baǵasyn ósirmeýge shaqyrdy, dep habarlaidy "Ult aqparat".
«Eldegi biznesmenderge, iri jáne shaǵyn saýda jelilerine úndeý jasaǵym keledi, iaǵni eńbekaqy óskennen keiin, olar birden ónim baǵasyn ósirýmen jaryspaýy kerek», - dedi ministr Parlament Májilisiniń jalpy otyrysynan keiin tilshilerdiń saýalyna jaýap bere otyryp.
Osy oraida T. Súleimenov ótken jyldarda halyqtyń naqty tabysy ekonomika ósiminen qalys kelgenin túsindirdi.
«Jalpy alǵanda, ekonomika ósti, alaida jan basyna shaqqandaǵy kirister tejelip qaldy. Ekonomika ósimine halyqtyń naqty tabysy laiyqty bolýy úshin biz bul kórsetkishterdi sáikestendirip jatyrmyz. Bul turǵyda biznestiń áleýmettik jaýapkershilik tanytqany óte mańyzdy. Osy protsess aiasynda olar ózderiniń taýarlarynyń qunyn negizsiz ósirimeýi qajet, sondai-aq kórsetiletin qyzmetterge, tarifterge baǵany negizsiz arttyrmaý kerek. Shyn máninde bul másele Úkimettiń baqylaýynda tur. Kún saiyn áleýmettik mańyzy bar taýarlar baǵasynyń ózgerýine qatysty vedomstvolardyń, oblys ákimderiniń esepteri tyńdalady», - dedi Timýr Súleimenov.
Sóz sońynda ministr baǵanyń negizsiz ósýi oryn alǵan jaǵdaida ókiletti organdar qatań sharalar qabyldaityndyǵyn eskertti.
Esterińizge sala keteiik, Elbasy Qazaqstan halyqana Joldaýynda eńbekaqyny kóterýge qatysty tapsyrma bergen bolatyn.
