© Sputnik / Abzal Kaliev
Ulttyq ekonomika ministri Áset Erǵaliev azyq-túlik satyp alýǵa kún saiyn qansha teńge jumsaitynyn aitty, dep habarlaidy Sputnik Qazaqstan.
Jýrnalister ministrden azyq-túliktiń qymbattaýynan, qazaqstandyqtardyń baǵanyń únemi ósýine qatysty shaǵymynan habary bar ma ekenin surady.
Erǵaliev baǵa tek Qazaqstanda emes, búkil álemde ósip jatqanyn atap ótti. Álemdik infliatsiia 33%-ke jetse, Qazaqstanda onyń deńgeii 8,9% shamasynda.
Kúnine azyq-túlik satyp alýǵa qansha teńge jumsaisyz degen suraqqa jaýap berip jatyp, ministr shatasyp ketti.
"Otbasymyzben kúnine tamaqqa 50-60 myń teńge jumsaimyz", - dedi ministr májilis kýlýarynda. Biraq "bul bir aida ma?" dep naqtylaǵan kezde "iá" dep jaýap berdi.
"Biz de nan, sút, qant satyp alamyz. Bizdiń de otbasymyz sizderdikindei", - dedi Erǵaliev.
Ol qazir úkimet halyqtyń tabys kózin arttyrý úshin qoldan kelgenin jasap jatqanyn atap ótti. Bul úshin túrli memlekettik baǵdarlamalar ázirlenip, jańa jumys oryndary ashylýda.
Aita keteri, qazaqstandyq ministrler eńbek ótiline qarai ortasha eseppen 600 myńnan 1,2 million teńgege deiin jalaqy alady.
