2022 jyly respýblikalyq biýdjet shyǵystary 15,9 trln teńge bolady. Bul týraly Senattyń jalpy otyrysynda QR Ulttyq ekonomika ministri Áset Erǵaliev aitty, dep habarlaidy QazAqparat.
«Biýdjet tapshylyǵy jalpy ishki ónimge qatysty 2022 jyly 3,3 paiyz deńgeiinde, keiinnen 2024 jyly 2,5 paiyzǵa deiin tómendeýmen boljanýda. Orta merzimdi kezeńde kontrtsikldyq saiasat aiasynda munai emes biýdjet tapshylyǵy deńgeiin jalpy ishki ónimge qatysty 2022 jyly 8,1 paiyzdan 2024 jyly 6,3 paiyzǵa deiin tómendeidi», - dedi «Áleýmettik-ekonomikalyq damý boljamy» jáne «Ulttyq qordan kepildendirilgen transfert týraly» zań jobasy týraly baiandaǵan ministr.
Onyń atap ótýinshe, respýblikalyq biýdjettiń shyǵystary 2022 jyly - 15,9 trillion teńge, 2023 jyly – 15,6 trillion teńge jáne 2024 jyly 16 trillion teńge kóleminde boljanyp otyr.
«Jalpy úsh jyldyq biýdjet jobasyn qalyptastyrý memlekettik josparlaý júiesin transformatsiialaý jaǵdaiynda júzege asyryldy. Jyldyń basynda qabyldanǵan jalpyulttyq basymdyqtar men eldiń damýynyń ulttyq jospary biýdjet saiasatynyń basymdyqtaryn aiqyndady. Memlekettik organdardyń qarjylyq qajettiligine olardyń damytý josparlarynyń maqsattary men nysanaly indikatorlaryna sáikes basymdyq berildi», - dedi Áset Erǵaliev.
